ორთოპედიული ბალიშები

ორთოპედიული ბალიშები თავს, კისერსა და ხერხემალს სწორ მდგომარეობაში აფიქსირებს, რაც მთელ ტანს კუნთების მოდუნებაში ეხმარება. შესაბამისად, ორთოპედიული ბალიშების გამოყენება ადამიანების ყოველდღიურობას ბევრად აუმჯობესებს - ჯდომის, წოლისა თუ მგზავრობის პროცესში. ორთოპედიული ბალიშების ფუნქცია და დანიშნულება მრავალმხრივია.

რა ტიპის ორთოპედიული ბალიშები არსებობს?

ორთოპედიული ბალიშები აქტიურად გამოიყენება სხვადასხვა პრობლემის დროს. ზოგიერთ მათგანს აქვს მრავალფუნქციური და მრავალპოზიციური, განვიხილოთ რამდენიმე მათგანი:

● რეფლუქსის საწინააღმდეგო ბალიში - განკუთვნილია იმ შემთხვევისთვის, თუ გულძმარვა გაწუხებთ. ბალიშს აქვს ამაღლებული ზედაპირი, რაც სხეულს სწორ მდგომარეობაში აფიქსირებს. ეს  კი საკვებს უკან დაბრუნების საშუალებას არ აძლევს. რეფლუქსის საწინააღმდეგო ბალიშს აქტიურად გამოიყენებენ ორსულები.

● ზურგის ბალიში -  დამზადებულია პოლიურეთანის ქაფისგან, რაც ზურგს ანატომიურ მდგომარეობაში დაფიქსირების საშუალებას აძლევს. მისი გამოყენება იდეალურია მათთვის, ვინც დიდხანს ატარებს დროს კომპიუტერთან ან მისი სამუშაო დაკავშირებულია დიდხანს ჯდომასთან.

● დასაჯდომი ბალიში - რეკომენდებულია იმ ადამიანებისთვის, ვისაც დიდხანს ჯდომა უწევთ და კუდუსუნის არეში ტკივილი აწუხებთ. ის აუმჯობესებს მცირე მენჯში სისხლის მიმოქცევას, აფერხებს სწორი ნაწლავის ვენებში სისხლის შეგუბებასა და ბუასილის პროგრესირებას.

● როტაციის ბალიში - გამოიყენება მწოლიარე პაციენტის გადასატრიალებლად და ეხმარება პაციენტებს, რომ მარტივად შეძლონ სასურველ პოზიციაში მოთავსება. როტაციის ბალიში უზრუნველყოფს პაციენტის სრულ მხარდაჭერას და სტაბილიზაციას თავისი ელასტიური სახვევითა და აგებულებით.

● სამგზავრო ბალიში - უზრუნველყოფს მშვიდ და სასიამოვნო მგზავრობას. მისი განსაკუთრებული ფორმა თავისა და კისრის მიდამოს სწორ მდგომარეობაში აფიქსირებს.

ვისთვის არის საჭირო ორთოპედიული ბალიშები?

ორთოპედიული ბალიშის გამოყენება რეკომენდებულია იმ ადამიანებისთვის, ვისაც კისრისა თუ წელის არეში დაჭიმულობის შეგრძნება და ძილის პრობლემები აწუხებთ. ასევე, მათთვის ვისაც ხშირად უწევთ მგზავრობა ან ერთ ადგილზე დიდხანს ჯდომა.