ორთოპედიული ბალიშების მნიშვნელობა

თუ თქვენი ყოველდღიური საქმიანობა დიდხანს ერთ მდგომარეობაში ყოფნას უკავშირდება, მაშინ  ზურგისა და კისრის ტკივილი თქვენთვის ნაცნობი პრობლემა იქნება.  ეს დისკომფორტი, ძირითადად, კუნთების დაჭიმულობით არის გამოწვეული და შეიძლება რამდენიმე დღეში ან კვირაში გაქრეს. თუმცა, ისეთი პროფესიის ადამიანებისთვის, როგორიცაა, მაგალითად,  მძღოლი, მკერავი და მბეჭდავი, ეს პრობლემა ყოველდღიურობის ნაწილი ხდება. ამიტომ, მსგავს შემთხვევებში სამედიცინო სფეროს წარმომადგენლები ორთოპედიული ბალიშების გამოყენებას გვირჩევენ. ეს პროდუქტი

ჯანმრთელობის გარკვეული პრობლემის დროს ძალიან ეფექტურია, მაგრამ მისი გამოყენებისთვის სამედიცინო ჩვენება აუცილებელი არ არის - კომფორტული ძილისა და თქვენზე მორგებული სამუშაო გარემოს შექმნაში ორთოპედიული ბალიშები დაგეხმარებათ.

როგორი ორთოპედიული ბალიშები არსებობს?

თუ დიდი ხნის განმავლობაში ჯდომა გიწევთ და კუდუსუნის არეში ტკივილს გრძნობთ, ამ შემთხვევაში რეკომენდებულია სავარძლის ბალიშის შეძენა. ის აუმჯობესებს მცირე მენჯში სისხლის მიმოქცევას, ხელს უშლის სწორი ნაწლავის ვენებში სისხლის შეგუბებასა და ბუასილის პროგრესირებას. ასევე, არსებობს ზურგის ბალიში, რომელიც  წელს ანატომიურ მდგომარეობაში აფიქსირებს. ის პოლიუთერანის ქაფისგან არის დამზადებული. ზურგის ბალიში იდეალურია იმ ადამიანებისთვის, რომლებსაც ოფისში მუშაობა და ძირითადად, ჯდომა უწევთ. იმ ადამიანებს , ვისაც გულძმარვა აწუხებთ, ექიმები რეფლუქსის საწინააღმდეგო ბალიშის გამოყენებს ურჩევენ. მისი ამაღლებული ზედაპირი სხეულს სწორ მდგომარეობაში ფიქსაციას უზრუნველყოფს, რაც საკვებს უკან დაბრუნების საშუალებას არ აძლევს. იმათთვის კი, ვისაც ხშირად მოგზაურობა უწევს, სამგზავრო ბალიშია რეკომენდებული. ეს პროდუქტი მშვიდ და სასიამოვნო მგზავრობაში  დაგეხმარებათ.  მისი განსაკუთრებული ფორმა თავისა და კისრის მიდამოს ფიქსაციას უზრუნველყოფს, რაც, თავისთავად, კისრისა და ზურგის არეში დისკომფორტს მოგიხსნით.