ორთოპედიული ბალიშების მრავალფეროვანი არჩევანი “ახალ ხედვაში”

კომპანია “ახალი ხედვა” მომხმარებლებს სხვადასხვა დანიშნულების უმაღლესი ხარისხის ორთოპედიულ ბალიშებს სთავაზობს. მათი ღირებულება 65 ლარიდან 155 ლარამდე მერყეობს და ფასი დამოკიდებულია ბალიშის ფუნქციურ მახასიათებლებზე.  განვიხილოთ, რამდენიმე მათგანი:

• ზურგის ბალიში - აფიქსირებს წელს ანატომიურ მდგომარეობაში. დამზადებულია პოლიურეთანის ქაფისგან. იდეალურია იმ ადამიანებისთვის, რომლებსაც ოფისში მუშაობა და ძირითადად ჯდომა უწევთ.
• კისრის ორთოპედიული ბალიში - გამოიყენება ოსტეოქონდროზის, ცერვიკლაური კიფოზის, მალთაშუა დისკის თიაქრისა და ხერხემლის სხვა პრობლემების დროს. კისრის ორთოპედიული ბალიშები ეფექტურია იმ ადამიანებისთვისაც, რომლებსაც აქვს დარღვეული ძილის რეჟიმი.
• როტაციის ბალიში - ეხმარება პაციენტებს, რომ მარტივად შეძლონ სასურველ პოზიციაში მოთავსება. ბალიში უზრუნველყოფს პაციენტის სრულ მხარდაჭერას და სტაბილიზაციას თავისი ელასტიური სახვევითა და აგებულებით.
• სავარძლის ბალიში - იყენებენ ძირითადად ის ადამიანები, რომლებსაც უწევთ დიდი ხნის განმავლობაში ჯდომა და კუდუსუნის არეში ტკივილი აწუხებთ. სავარძლის ბალიში აუმჯობესებს მცირე მენჯში სისხლის მიმოქცევას, ხელს უშლის სწორი ნაწლავის ვენებში სისხლის შეგუბებასა და ჰემოროის პროგრესირებას.

ორთოპედიული ბალიშები კისრის, ზურგისა და ხერხემლის არეში ტკივილის აღმოფხვრაში დიდ როლს ასრულებს. ამიტომ ამ პროდუქციაზე მოთხოვნა საკმაოდ დიდია.  მათი შეძენა თბილისში, გორში, ქუთაისსა და ბათუმში არსებულ “ახალი ხედვის” მაღაზიებშია შესაძლებელი. ასევე კომპანიის ოფიციალურ ვებგვერდზე შერჩეული სამედიცინო ნივთის შესყიდვა ონლაინ რეჟიმშიც ხდება.