ორთოპედიული ფიქსატორები “ახალი ხედვის” მაღაზიებში

ორთოპედიული ფიქსატორები სხეულის ნებისმიერი ნაწილისთვის არის განკუთვნილი. ის უდრეკი ან რბილი მასალისგან მზადდება და სახსრის მოძრაობას საჭიროების შესაბამისად ნაწილობრივ ან სრულად ზღუდავს. ეს პროდუქტი განკუთვნილია სხვადასხვა ხარისხის დაზიანებისთვის და ტრავმის შემდგომი მდგომარეობის გართულების თავიდან ასაცილებლად. ახალი ხედვის მაღაზიებში თქვენ შეგიძლიათ შეიძინოთ იდაყვის, მკლავი, კოჭის, მენჯ-ბარძაყის, წელის, თითის, მუხლის, ტერფის და სხივ-მაჯის ფიქსატორები. განვიხილოთ, რამდენიმე მათგანი:

● მხარის ფიქსატორი  - ნეოპრინისა და მატყლის მასალისგან დამზადებული სამედიცინო საშუალება, რომელიც სხვადასხვა ხარისხის დაზიანებების დროს გამოიყენება. მხრის ფიქსატორი სახსრის მოძრაობის ნაწილობრივ ან სრულად შეზღუდვას უწყობს ხელს და ამ მიდამოში სითბური ეფექტის შესანარჩუნებლად გამოიყენება. სწორედ ამიტომ, მას, ძირითადად, მოტეხილობის ან ამოვარდნილობის დროს, კუნთებისა და მყესების დაზიანების შემთხვევაში ნიშნავენ. აღნიშნული პროდუქტით საგებლობენ ის მომხმარებლებიც, რომლებსაც ართრიტი ან  ართროზი აწუხებთ.

● იდაყვის ფიქსატორი გამოიყენება იდაყვის სახსრის ტრავმების სამკურნალოდ და ფიზიკური დატვირთვის დროს დაზიანებისგან თავის ასარიდებლად. მისი გამოყენება ამცირებს ტკივილსა და ხელს უწყობს სახსარში სითბოს შენარჩუნებას. იდაყვის ფიქსატორი აქტიურად გამოიყენება ეპიკონდილიტის დროსაც. ამ პროდუქტის ტარება კომფორტულია მთელი დღის განმავლობაში, მათ შორის ყოველდღიური საქმიანობისას.

● კოჭის ფიქსატორი - უზრუნველყოფს არა მარტო სახსრის ფიქსაციას, არამედ სითბოს შენარჩუნებასაც. მას შიგნით მოთავსებული აქვს სხვადასხვა სახის ჩანართი, რომელსაც დამატებითი ფიქსაციის ფუნქცია აქვს. ჰემატომისა და შეშუპების დროს კი კოჭის ფიქსატორი აუმჯობესებს სისხლის მიმოქცევას.

● კისრის ფიქსატორი - ზღუდავს კისრის მოძრაობას და სხეულის ამ ნაწილში ტკივილს ამსუბუქებს. ამ პროდუქტის გამოყენება საკმაოდ მრავალმხრივია.  მას შეუძლია კისერი ტრავმებისგან დაიცვას, თავი ნეიტრალურ პოზიციაში დააფიქსიროს და ხერხემლის არეში დაჭიმულობის შეგრძნებაც მოხსნას.

● სხივ-მაჯის ფიქსატორები გამოიყენება როგორც მოტეხილობისა და ამოვარდნილობის, ასევე დაჭიმულობისა და სხვადასხვა დაავადების დროს. ამ პროდუქტის გამოყენება ხელს უწყობს ტკივილისა და შეშუპების თავიდან აცილებას და სხივ-მაჯის სახრის მოსვენებას.

● ხერხემლის ფიქსატორებს წელსა და ზურგთან დაკავშირებული პრობლემების დროს იყენებენ. უფრო ზუსტად რომ ვთქვათ, ეს პროდუქტი  ხერხემალს  სწორ მდგომარეობაში აფიქსირებს და  წელის ტკივილის და ამ არეზე დატვირთვის  შესამცირებლად იდეალურია.

● თითის ფიქსატორი - მოტეხილობის, ამოვარდნილობის, ნერვული ქსოვილების დაზიანებისა და სხვადასხვა ტრავმის დროს ინიშნება. ამ პროდუქტის გამოყენება ასევე ღრძობის, დაჭიმვის დროს ან თაბაშირის მოხსნის შემდგომი რეაბილიტაციის პერიოდშიც საკმაოდ ეფექტურია.

ორთოპედიულ ფიქსატორებს, ძირითადად, ვიყენებთ ტკივილის შემსუბუქებისა და იმობილიზაციის მიზნით. გარდა ამისა, მათი ტარება ძალიან ეფექტურია რეაბილიტაციის პერიოდში ან რომელიმე დაავადების პრევენციისთვის. ზემოთ აღნიშნული ფიქსატორების შეძენა შეგიძლიათ როგორც ექიმის დანიშნულებით, ასევე თვითინიციატივითაც, თუმცა, სასურველია, რომ ფიქსატორის შეძენამდე გაიაროთ კონსულტაცია სპეციალისტთან.