ორთოპედიული პროდუქტები ვარიკოზული ვენებისთვის

ვარიკოზის წიბდა კიდურების ვენებიდან სისხლის განდევნას აჩქარებს, წვივებში სისხლის მიმოქცევას აუმჯობესებს და ფეხებში კომფორტის შეგრძნებას ხანგრძლივი დროის განმავლობაში უზრუნველყოფს. ეს სამედიცინო საშუალებები ასევე ქვედა კიდურებში შეშუპებას, დაღლილობისა და ტკივილის შეგრძნებას ამცირებს. ზოგიერთი მათგანი გამოიყენება თრომბოზის პროფილაქტიკის მიზნით ნაკლებად მოძრავი, მჯდომარე ან მდგომარე ცხოვრების წესის მქონე ადამიანებისთვის, ასევე ხანგრძლივი მგზავრობის დროს. ორთოპედიული პროდუქტები ვარიკოზის დროს ხელს უშლის ქვედა კიდურების ვენებში სისხლის შეგუბებასა და იდეალურია სიმპტომების შესამსუბუქებლად. კომპრესიული წინდების გამოყენება უზრუნველყოფს:

● ვენებში სისხლის მიმოქცევის გაუმჯობესებას;

● ხელს უშლის სისხლის შეგუბებას;

● ხსნის სიმძიმის შეგრძნებას ფეხებში;

● ახდენს დაავადების შემდგომი პროგრესირების პრევენციას;

● უზრუნველყოფს კომფორტის შეგრძნებას ხანგრძლივი დროის განმავლობაში.

ვარიკოზი, ანუ ვენების ვარიკოზული გაგანიერება, არის დაავადება, რომელიც იწვევს ვენების სანათურის გაფართოებას და მათი კედელების გათხელებას. ვარიკოზის წინდა კი იცავს სისხლძარღვებს და ამცირებს მათ სანათურს. ვარიკოზის წინდის მოქმედების მექანიზმი გათვლილია ვენის კედელზე რეკომენდებულ ზეწოლაზე.  ხანგრძლივად ფეხზე დგომის ან ჯდომის შემდეგ, ფეხების შეშუპება, სიმძიმის შეგრძნება და წვა ვარიკოზის ერთ-ერთი ნიშნებია. ვარიკოზული დაავადებისათვის ამ სიმპტომების გაქრობა ან შემცირება სიარულის და ძილის შემდეგ არის დამახასიათებელი. შესაძლოა, ვარიკოზი ადამიანის სხვადასხვა ორგანოზე განვითარდეს თუმცა, მისი ყველაზე გავრცელებული ფორმა ქვედა კიდურებში ვენების ვარიკოზული გაგანიერებაა.