რა არის ფონოფორეზი

ფონოფორეზი თერაპიული ტექნიკაა,რომელიც,ულტრაბგერითი ტალღების მეშვეობით,  მედიკამენტების კანსა და კანქვეშ შეწოვის გაძლიერებას უზრუნველყოფს. ტექნიკა ძირითადად ფიზიოთერაპიასა და სპორტულ მედიცინაში გამოიყენება.

პროცესი მოიცავს სამკურნალო მედიკამენტის (გელის) ადგილობრივ  დატანას და ულტრაბგერითი ტალღების მეშვეობით მიკროვიბრაციების წარმოქმნას კანში, ეს ტექნიკა ზრდის უჯრედის მემბრანის გამტარიანობას და ხელს უწყობს ნივთიერებების ქსოვილში შეღწევას. ფონოფორეზის მეშვეობით შესაძლებელია მედიკამენტით მიზანმიმართული შედეგის მიღება.

მდგომარეობები, რომლის დროსაც ფონოფორეზი გამოიყენება
 ფონოფორეზი ძირითადად ძვალ-კუნთოვანი და რბილი ქსოვილების დაზიანების დროს გამოიყენება. რამდენიმე მათგანია:
● ტენდინიტი - მყესების ანთება, გამოწვეული სახსრის გადაჭარბებული გამოყენებით ან ტრავმით.  ფონოფორეზის მეშვეობით, ანთების საწინააღმდეგო პრეპარატები უშუალოდ მიეწოდება დაზიანებული მყესების მიდამოს, რაც უფრო ეფექტურად ამცირებს ტკივილსა და შეშუპებას.

● ბურსიტი - სასახსრე ჩანთის ანთებაა. ფონოფორეზის მეშვეობით მცირდება ტკივილი და ანთებითი პროცესი სახსრის ირგვლივ. ეს ეხმარება პაციენტს აღიდგინოს მობილურობა და ფუნქციები.

● ართრიტი - სახსრების ანთება,რომლის დროსაც დამახასიათებელია ტკივილი,სიმტკიცე და მოძრაობის დიაპაზონის შემცირება. ფონოფორეზის მეშვეობით მიიღება ტკივილგამაყუჩებელი და ანთების საწინააღმდეგო ეფექტი. ამცირებს სიმპტომებს და აუმჯობესებს ფუნქციას სისტემური მედიკამენტების მიწოდების გარეშე.

● პლანტარული ფასციიტი - ფასციის ანთებაა. დაავადებისთვის დამახასიათებელი სიმპტომი ქუსლის ტკივილია. ფონოფორეზი ამცირებს ანთებას და ტკივილს,რაც უადვილებს პაციენტს ნორმალურ მოძრაობას.

● მაჯის გვირაბის სინდრომი- თითების,მტევნის ან მკლავის დაბუჟუება,სისუსტე, ჩხლეტვის შეგრძნება, ეს ის სიმპტომებია,რომლებიც მაჯის გვირაბის სინდრომისთვისაა დამახასიათებელი. ფონოფორეზის მეშვეობით შესაძელებლია მაჯის არეში ტკივილისა და ანთების შემცირება,საბოლოო ჯამში კი უმჯობესდება კიდურის ფუნქცია.

● ეპიკონდილიტი (“ჩოგბურთელის იდაყვი”) - იდაყვის მყესების ანთებაა. ფონოფორეზი ამცირებს ანთებას და ტკივილს, საშუალებას აძლევს პაციენტებს უფრო კომფორტულად  ჩაერთონ სარეაბილიტაციო ვარჯიშებში.

ფონოფორეზის ბენეფიტები

● ფონოფორეზი არაინვაზიური პროცედურაა. ეს ხდის მას უფრო კომფორტულს და ამცირებს ინფექციების რისკს.

● ულტრაბგერითი ტალღები აძლიერებს წამლის შეღწევადობას და ეფექტურობას,რაც უფრო ლოკალიზებული მკურნალობის საშუალებას იძლევა.

● ვინაიდან მედიკამენტი მიზანმიმართულად მიეწოდება მიდამოს,მცირდება სისტემური გვერდითი მოვლენების რისკი.

● ულტრაბგერითი ტალღები ასტიმულირებს სისხლის მიმოქცევას,რაც ხელს უწყობს ქსოვილების აღდეგნას და დაზიანებულ მიდამოში  საკვები ნივთიერებების მიწოდებას.

● ფონოფორეზი ეფექტური თერაპიის მეთოდია, განსაკუთრებით კი სხვა ფიზიოთერაპიულ მეთოდებთად კომბინაციაში.