რა დროს არის საჭირო სუპინატორების გამოყენება?

სუპინატორებს ადამიანები ტერფზე არსებული პრობლემების დროს იყენებენ. ბრტყელტერფიანობის გარდა ეს პროდუქტი ეფექტურია ისეთი დაავადებების არსებობის შემთხვევაში, როგორიცაა: მაღალი თაღი,ვალგუსური და ვარუსული ტერფი,საყრდენი სახსრების პრობლემები,დიაბეტური ტერფი, ქუსლის დეზი, აქილევსის მყესის დაზიანება და სხვა მსგავსი პათოლოგიები. ორთოპედიული სუპინატორები სიარულის კორექციას უზრუნველყოფს და ტერფის არასწორი ფუნქციით გამოწვეულ პრობლემებს აწესრიგებს. იქიდან გამომდინარე, რომ ადამიანები მას სხვადასხვა მიზნით ატარებენ ამ პროდუქტით სარგებლობის პერიოდიც ინდივიდუალურია და მისი წინასწარ განსაზღვრა რთულია. გარდა ამისა, სუპინატორი ტერფს სწორ პოზიციაში აფიქისირებს და ეს პროდუქტი ტკივილის შემცირებასაც უწყობს ხელს. ძალიან მნიშვნელოვანია, რომ ბრტყელტერფიანობას ან ტერფთან დაკავშირებულ ნებისმიერ პათოლოგიას ბავშვობიდანვე მიექცეს ყურადღება, რადგან ტერფი და მისგან გამოწვეული დავადებები ხშირად საყრდენ-მამოძრავებელი სისტემის პრობლემებს და სხვა ტიპის გართულებებს იწვევს.

როგორ შევარჩიოთ სასურველი სუპინატორი?

როგორც ვთქვით, სუპინატორებს მრავალმხრივი დანიშნულება აქვს. მისი ერთ-ერთი ფუნქციაა ტერფის არეში ტკივილის შემსუბუქება,თაღის ანატომიურ მდგომარეობაში შენარჩუნება, ტერფის სტაბილიზაცია და ზეწოლის სწორი გადანაწილება ტერფზე. ორთოპედიულ სუპინატორებს როგორც სამკურნალო, ასევე საპროფილაქტიკო დანიშნულება აქვთ. თუ სუპინატორის გამოყენება პროფილაქტიკის მიზნით გსურთ,შეგიძლიათ, გამოიყენოთ სილიკონის სუპინატორები,რომელიც ტერფზე დატვირთვასაც ამცირებს.თუ უკვე გამოხატული ბრტყელი ტერფი გაქვთ,ექიმი მყარ სუპინატორს შეგირჩევთ, რათა სუპინატორმა მოახდინოს თაღის სტაბილიზაცია და სიარულის და ფიზიკური აქტივობის პროცესი უფრო კომფორტული იყოს თქვენთვის. საბავშვო ორთოპედიული სუპინატორი გამოიყენება ბავშვებში ბრტყელტერფიანობის დროს. ის თაღს ასწორებს და უზრუნველყოფს ტერფის ჯანსაღ ჩამოყალიბებას. ორთოპედიული სუპინატორების ტარება ასევე ეფექტურია ქუსლში გამოხატული ტკივილის, ვენური დაავადების და ნეიროპათიის დროს. ორთოპედიული სუპინატორი ( comfort business) აუმჯობესებს სისხლის მიმოქცევას ვენებში და აქრობს ფეხებში სიმძიმის შეგრძნებას. მისი გამოყენება განსაკუთრებით ეფექტურია მათთვის, ვისაც დიდხანს უწევს ფეხზე დგომა.

სუპინატორი აუცილებლად უნდა შეირჩეს ინდივიდუალურად,პაციენტის პრობლემის შესაბამისად,რათა გამოყენების პროცესი იყოს როგორც ეფექტური,ასევე კომფორტული თქვენთვის .