რა უნდა გავითვალისწინოთ წელის ტკივილის დროს

დიდხანს ერთ ადგილას ჯდომა წელის ტკივილის გამომწვევ ერთ-ერთ ყველაზე გავრცელებულ მიზეზად მიიჩნევა. ეს პრობლემა თანამედროვე ცხოვრებაში სამუშაოს სპეციფიკიდან გამომდინარე ბევრ ადამიანს აწუხებს. გარდა ამისა, წელის ძლიერი ტკივილი წელის გაციებას ან სხვა უფრო მძიმე დაავადებას შეიძლება უკავშირდებოდეს.  მწვავე, ძლიერი, შეტევითი ტკივილი კუნთების სპაზმითაა განპირობებული. ამის გამომწვევი მიზეზი ხშირად არის:

● უხერხული მოძრაობა;

● მძიმე საგნის აწევა;

● ბავშვის მოვლისგან მიღებული დატვირთვა;

● მანქანის ხანგრძლივი მართვა;

● ავარია ან დაცემა;

● კონკრეტული დაავადება და სხვ.

გარდა ამისა, წელის ტკივილი ხშირად  ფიზიკური აქტიურობის აუცილებლობას შეგვახსენებს და ჯანსაღი ცხოვრებისკენაც მოგვიწოდებს. ხშირად, ხანგრძლივი დასვენება აუარესებს წელის ტკივილს, ვარჯიში კი წელავს და აძლიერებს ზურგის კუნთებს. წელის კუნთების გაძლიერება კი შესაძლოა ძალიან სასარგებლო აღმოჩნდეს კონკრეტული პრობლემის განვითარების თავიდან ასარიდებლად. ამ დროს რეკომენდებულია ნაკლებად ინტენსიური ვარჯიშები, როგორიც არის ცურვა, იოგა, პილატესი და სიარული. ასევე,  ეფექტურია  წელის კორსეტებისა და ქამრების ტარება.  ამ პროდუქციას პაციენტები ატარებენ ისეთი დაავადებების დროს როგორიცაა:

● ხერხემლის თანდაყოლილი პათოლოგიები;

● ზურგის სვეტის დაზიანებები;

● თეთრი ხაზის ან მალთაშუა დისკის თიაქარი;

● ოსტეოპოროზი;

● რადიკულიტი და სხვ.

გარდა ამისა, კომპიუტერთან მუშაობის დროს გაითვალისწინეთ, რომ  მონიტორის ქვედა კიდე ოდნავ წინ გადაწიოთ. სამუშაო სკამი კი, სასურველია, კომფორტული და რეგულირებადი იყოს. ჯდომის პროცესში უმჯობესია, კისერი და ხერხემალი ერთ დონეზე დააფიქსიროთ, ტერფი კი აუცილებლად უნდა ეხებოდეს იატაკს. ყოველ 20 წუთში გაავარჯიშეთ თვალები: გადაიტანეთ მზერა კომპიუტერის მონიტორიდან და თვალის კაკლის მოძრაობით დაასვენეთ მხედველობის ორგანო. ამასთანავე, ყოველ 1 საათში თითოეული სახსრის მარტივი მოძრაობით განტვირთეთ და გაავარჯიშეთ სხეული. ფიზიკური აქტივობა სამუშაო საათებში ძალიან მნიშვნელოვანია.