რა უნდა გავითვალისწინოთ ზურგის ტკივილის დროს

ზურგის ტკივილი შესაძლოა ბევრი მიზეზით იყოს განპირობებული და განსხვავებული სიმპტომებიც გამოიწვიოს. ამ პრობლემის ყველაზე გავრცელებულ მიზეზებად სახელდება:

● მჯდომარე ცხოვრების წესი;

● ხერხემლის პათოლოგიები;

● ფიზიკური დატვირთვა;

● პროფესიული საქმიანობა.

გარდა ამისა, ზურგის ტკივილის გამომწვევი მიზეზი შესაძლოა გახდეს: გადაღლილობა, დაჭიმულობა, დიდხანს არასწორ პოზაში ჯდომა/წოლა, სიმძიმეების აწევა, ტრავმა ან რომელიმე დაავადება. ამ პრობლემის დროს პაციენტები მკურნალობის სხვადასხვა მეთოდს მიმართავენ. ზურგის არეში დატვირთვის შემსუბუქების მიზნით და დისკომფორტის შესამცირებლად  ადამიანები ზურგის ქამრებს ატარებენ. ეს პროდუქტი  ხერხემლის საჭირო ხარისხით ფიქსაციას უზრუნველყოფს და ზურგის კუნთების დაჭიმვის, სპონდილოზისა და იოგების/მყესის დაზიანების მკურნალობის პროცესში მაქსიმალურ ეფექტს იძლევა.  განვიხილოთ, რამდენიმე მათგანი:

● წელის კორსეტი მეტალის ჩანართებით - დამზადებულია ბამბის ელასტიური მასალისგან. 26 ან 32 სმ სიმაღლის მეტალის ჩანართები და დამატებითი ღვედები უზრუნველყოფს წელის არის სრულ იმობილიზაციას და ეფექტურ ფიქსაციას. გამოიყენება წელის მალების მოტეხილობის, მალთა-შუა დისკის თიაქრისა და სხვა ტიპის დაზიანებების დროს.

● ხერხემლის კორსეტი - აფიქსირებს მთლიანი ხერხემლის სვეტს. აქვს მეტალის ჩანართები მთლიანი ხერხემლის სიგრძეზე. გამოიყენება მალების  მოტეხილობის, სქოლიოზის, კიფოზისა და ხერხემლის მრავლობითი თიაქრის დროს.

● წელის სტანდარტული კორსეტი - ამსუბუქებს წელისა და ზურგის ტკივილს. დამზადებულია ანტი-ალერგიული ქსოვილისაგან და  აქვს პლასტმასის ჩანართები. ხშირია მისი გამოყენება რევმატული ტკივილის დროს.

● წელის მატყლის კორსეტი - სითბური ეფექტი აქვს და ინარჩუნებს სხეულის ტემპერატურას წელისა და მუცლის არეში. გამოიყენება ასევე რევმატული ტკივილის დროს.

გარდა ამისა, ზურგის ტკივილის თავიდან ასარიდებლად ეცადეთ, რომ ყოველთვის დაჯდეთ კომფორტულ პოზაში, რადგან მჯდომარე მდგომარეობაში ხერხემალზე ზეწოლა განსაკუთრებით მატულობს.  პერიოდულად აკეთეთ მსუბუქი ვარჯიშები. ხანგრძლივი დასვენება ზურგის არეში ტკივილს აუარესებს, ვარჯიში კი ჭიმავს და აძლიერებს ზურგის კუნთებს. ასევე  შეარჩიეთ ძილის სწორი პოზა და პერიოდულად გაიარეთ ფიზიკური თერაპია.