რა უნდა ვიცოდეთ ნერვის ანთების შესახებ?

ნერვის ანთების დროს პირველ რიგში, ტკივილგამაყუჩებელს იღებენ და თუ, ეს ტკივილი ანთებით პროცესს უკავშირდება საჭირო ხდება ანტიბიოტიკების ჩართვაც. თუმცა, მნიშვნელობა არ აქვს სხეულის რომელ ნაწილში განვითარდა ნერვის ანთება. ნერვის ანთება სხეულის სხვადასხვა ნაწილში შესაძლოა განვითარდეს. ყველაზე ხშირია:

• მხრის ნერვის ანთება - ამ დროს ადამიანს უჭირს ხელის მოძრაობა და შესაბამისად, საქმის კეთებაც. მხრის ნერვის ანთებას სხვადასხვა გამომწვევი მიზეზები აქვს - მაგალითად, შესაძლოა ეს იყოს  სამშობიარო ტრავმა. გარდა ამისა, ეს დაავადება შეიძლება განვითარდეს სპორტული აქტივობის დროს. ავტოსაგზაო შემთხვევა, დაცემა და სხვადასხვა ტიპის ტრავმა კი მხრის ნერვის ანთების ერთ-ერთი გავრცელებული მიზეზია.
• იდაყვის ნერვის ანთება - შესაძლოა გამოიწვიოს ფიზიკურმა აქტივობამ, ტრავმამ და მყესის დაზიანებამ, ასევე დაჭიმულობამ ან ანთებამ. მისი გამომწვევი მიზეზებია ასევე: არასწორ მდგომარეობაში დიდხანს ყოფნის დროს ზეწოლა, არასწორად მორგებული თაბაშირის ან ფიქსატორის ზეწოლა, უბედური შემთხვევები და სხვ.
• კისრის ნერვის ანთება - ამ დროს ხერხემლის ზედა ნაწილის მალთაშუა დისკი განიცდის დეგენერაციასა და ნერვს აწვება. დეფორმირებული დისკი ეხება და აღიზიანებს ზურგის ტვინიდან გამომავალ ნერვულ ფესვებს, რასაც შესაბამისი ადგილის ფუნქციის მოშლამდე  მივყავართ.

ნერვის ანთების მკურნალობა დამოკიდებულია გამომწვევ მიზეზზე და სწორი  მკურნალობის პროცესისთვის აუცილებელია მიმართოთ ექიმს და გაიკეთოთ შესაბამისი გამოკვლევები. ნერვის შეტევითი ტკივილის დროს ასევე, უნდა შეარჩიოთ ისეთი მდებარეობა, რომელიც შეგიმსუბუქებთ ტკივილს და გამოიყენოთ ორთოპედიული საშუალებები.