რა უპირატესობა აქვს ინდივიდუალური ღაბაშის დამზადებას?

ინდივიდუალური ღაბაშის დამზადების პროცესი იწყება ექიმის კონსულტაციით და ტერფის კვლევით. კომპანია „ახალი ხედვის“ კლინიკა მომხმარებლებს უკვე რამდენიმე წელია უმაღლესი ხარისხის იტალიური აპარატურით ტერფის დიაგნოსტიკას სთავაზობს. სამედიცინო დაწესებულება აღჭურვილია თანამედროვე ტექნოლოგიების ულტრასენსორული აპარატურით, რომლის საშუალებითაც პაციენტებს უტარდებათ პლანტოგრაფია, ანუ ტერფის კომპიუტერული კვლევა, რომელიც მოიცავს პოდოსკანირებასა და ბაროპოდომეტრიას, რაც გულისხმობს უძრავ და მოძრავ მდგომარეობაში ტერფის კვლევას.

ინდივიდუალური ღაბაშის გამოყენება რეკომენდებულია სხვადასხვა პათოლოგიის ან მდგომარეობის დროს, როგორიცაა:

• ბრტყელტერფიანობა: ტერფის თაღების დადაბლება, ამორტიზაციის ფუნქციის დაქვეითება.
• ტერფის სხვა დეფორმაციები: მაღალი თაღი, ქუსლის დეზი, პირველი თითის ვალგუსური დეფორმაცია.
• ვენების ქრონიკული დაავადებები (ვარიკოზი) ან ლიმფოსტაზი: ხელს უშლის შეშუპებას და ტკივილს ქვედა კიდურებში.
• ჭარბი წონა: ამცირებს დატვირთვას სახსრებსა და მყესებზე.
• სპორტული და პროფესიული მაღალი დატვირთვა: ტრავმებისა და გადატვირთვის პრევენცია.
• ორსულობა.
• სქოლიოზი და სხვა პოზის დარღვევები, რომლებიც ტერფის არასწორი ფუნქციითაა გამოწვეული.

ტერფის კვლევა, ძირითადად, ტარდება 3-4 წლიდან. ტერფის კვლევა ქმნის ტერფის სამგანზომილებიან სურათს და იძლევა დეტალურ ინფორმაციას ტერფის ბიომექანიკის შესახებ, რაც აუცილებელია სუპინატორის ზუსტი დიზაინისთვის. ინდივიდუალურ მოდელში ზუსტად არის გათვალისწინებული კორექციის საჭირო წერტილები: თაღის აწევა, ქუსლის ფიქსაცია და ზეწოლის გადანაწილება. მასალა, კი შეირჩევა ინდივიდუალური საჭიროების მიხედვით. ინდივიდუალური ღაბაშების გამოყენება მეტად ეფექტურია ყოველი ინდივიდუალური პრობლემის მკურნალობის პროცესისთვის.