რამ შეიძლება გამოიწვიოს კოჭის ტკივილი

კოჭის ტკივილი შესაძლოა გამოწვეული იყოს: მყესების, ძვლების, იოგებისა ან კუნთების დაზიანებით. გარდა ამისა, ეს პრობლემა სირბილის ან სწრაფი მოძრაობისას სახსრის გადაჭარბებული დატვირთვით, მოხრით, გაშლით ან გადაბრუნებითაც შესაძლოა განვითარდეს. კოჭის ტკივილის გამომწვევი სხვა მიზეზებია:

● აქილევსის ტენდინიტი - ძირითადად, ზედმეტი დატვირთვით გამოწვეული დაზიანებაა. აქილევსის მყესი ის ქსოვილია, რომელიც კანჭის კუნთებს აერთებს ქუსლის ძვალთან - შესაბამისად, ტკივილიც, ძირითადად, ფეხის უკანა ნაწილში ან ქუსლის ძვალთან ლოკალიზდება.

● ოსტეოართრიტი - სახსარში მიმდინარე დეგენერაციული პროცესია, რომელიც, პირველ რიგში, იწვევს ხრტილოვანი ქსოვილის გაცვეთას. ამ დროს ასევე ზიანდება სახსრის სხვა კომპონენტები. მდგომარეობა კლინიკურად სახსრის ტკივილითა და  ფუნქციის შეზღუდვით ხასიათდება.

კოჭის ტკივილის მკურნალობის მეთოდები დამოკიდებულია მის გამომწვევ მიზეზებზე. მსუბუქი დაზიანებებისა თუ ტრავმების შემთხვევაში უმეტესად მიმართავენ ამბულატორიულ მკურნალობასა და დაზიანებული ადგილის იმობილიზაციას. იქიდან გამომდინარე, რომ კოჭზე არსებული ტრავმა ძლიერ ტკივილებს უკავშირდება მკურნალობაში აქტიურად გამოიყენება ფიქსატორები. კოჭის ფიქსატორები დიდ როლს ასრულებს სწრაფი რეაბილიტაციის პროცესში და ტკივილის შემცირებას უწყობს ხელს. ამ პროდუქტის გამოყენება შესაძლოა როგორც ართრიტის, ასევე ღრძობის, დაჭიმვის დროს ან თაბაშირის მოხსნის შემდგომი რეაბილიტაციის პერიოდში. კოჭის ფიქსატორი უზრუნველყოფს არა მარტო სახსრის ფიქსაციას, არამედ სითბოს შენარჩუნებასაც.