რატომ არის მნიშვნელოვანი ვარიკოზის დროულად მკურნალობა?

ვენების ვარიკოზული გაგანიერება ერთ-ერთი ყველაზე გავრცელებული სისხლძარღვოვანი პათოლოგიაა, რომელიც მსოფლიოში მილიონობით ადამიანს აწუხებს. ხშირად მას შეცდომით მიიჩნევენ მხოლოდ კოსმეტიკურ დეფექტად, თუმცა რეალურად ეს არის პროგრესირებადი დაავადება, რომელიც საჭიროებს დროულ სამედიცინო ყურადღებასა და სწორ მიდგომას ჯანმრთელობის სერიოზული გართულებების თავიდან ასაცილებლად.

რატომ არის დროული მკურნალობა მნიშვნელოვანი?

ვენების გაგანიერება საშიში არ არის და, რა თქმა უნდა, მკურნალობასაც ექვემდებარება. თუმცა, ღრმა ვენების დაავადებათა მწვავე გართულება - თრომბოზი ადამიანს განსაკუთრებულ საფრთხეს უქმნის. ის სიცოცხლისათვის საშიში მდგომარეობაა, რადგან ფილტვის არტერიის თრომბოემბოლიის ძირითად წყაროს წარმოადგენს. შესაბამისად, ვარიკოზის ადრეულ ეტაპზე უგულებელყოფამ შეიძლება გამოიწვიოს დაავადების შეუქცევადი პროგრესირება. დროული მკურნალობა, კი  მნიშვნელოვანია, რომ თავიდან ავიცილოთ ისეთი მძიმე გართულებები, როგორიცაა:

• ქრონიკული ვენური უკმარისობა;
• ტროფიკული წყლულები;
• თრომბოფლებიტი;
• სიცოცხლისთვის საშიში ღრმა ვენების თრომბოზი .

როდესაც სისხლის მიმოქცევა ქვედა კიდურებში ფერხდება, იზრდება თრომბების ჩამოყალიბების რისკი.

ვარიკოზის მოვლის გზები

სამედიცინო ჩარევის პარალელურად, უდიდესი როლი ენიჭება ყოველდღიურ რეჟიმს. სწორი ვარიკოზის მოვლა მოიცავს კომპრესიული ტრიკოტაჟის გამოყენებას, ფიზიკურ აქტივობას, წონის კონტროლსა და ხანგრძლივი ჯდომის ან დგომის თავიდან არიდებას. ვარიკოზის წინდები ქვედა კიდურებს ვარიკოზული ვენების განვითარებისგან იცავს.  ეს პროდუქტი ხელს უწყობს სისხლის შემადედებელი და მისი გამათხელებელი დინამიკის წონასწორობის შენარჩუნებას. ამ პროდუქტს გამოიყენებენ როგორც მამაკაცები, ისე ქალები. განვიხილოთ, რამდენიმე მათგანი:

• ვარიკოზული ვენების საწინააღმდეგო კოლგოტი - გამოიყენება ვენების გამოხატული დაავადებების სამკურნალოდ. აჩქარებს ქვედა და ზედა კიდურების ვენებიდან სისხლის განდევნას, ხსნის შეშუპებას, დაღლილობისა და ტკივილის შეგრძნებას ფეხებში. კომპრესიული ტრიკოტაჟის მოქმედების მექანიზმი გათვლილია ვენის კედელზე რეკომენდებულ ზეწოლაზე. წინდა იცავს სისხლძარღვებს და ამცირებს მათ სანათურს.
• მუხლამდე წინდა - გამოიყენება ვენების ვარიკოზული დაავადებისა და თრომბოზის პროფილაქტიკის მიზნით ნაკლებადმოძრავი (მჯდომარე, მდგომარე) ცხოვრების წესის მქონე ადამიანებისთვის, ასევე ხანგრძლივი მგზავრობის დროს. აუმჯობესებს წვივებში სისხლის მიმოქცევას, ხელს უშლის სუნის გაჩენას ტერფის არეში და უზრუნველყოფს კომფორტის შეგრძნებას ხანგრძლივი დროის განმავლობაში.
• ანტი-თრომბოემბოლიური წინდა (მაღალყელიანი) - გამოიყენება პროფილაქტიკის მიზნით. ასევე, ქირურგიული ჩარევების, ლაპარასკოპიის და საკეისრო კვეთის დროს. ხელს უწყობს სისხლის შემადედებელი და მისი გამათხელებელი დინამიკის წონასწორობის შენარჩუნებას.