როდის არის საჭირო ზურგის ქამრების გამოყენება?

ზურგის ტკივილმა ნებისმიერ ადამიანს ცხოვრების სხვადასხვა ეტაპზე შეიძლება შეაწუხოს. განსაკუთრებით ხშირია ეს პრობლემა მაშინ, როდესაც ოჯახში ახალშობილი ჩნდება. ჩვილის მოვლა ყოველდღიურად ხერხემალზე დატვირთვას ზრდის და ზურგის არეში ტკივილს იწვევს. ეს დისკომფორტი საშიშროებას არ წარმოადგენს რადგან ტკივილი ძირითადად, გამოწვეულია კუნთების დაჭიმვით. გარდა ამისა, არსებობს დაავადებები და გარემოებები, რომლებიც ზურგის ტკივილს უკავშირდება:

● მჯდომარე ცხოვრების წესი;

● ხერხემლის პათოლოგიები;

● ფიზიკური დატვირთვა;

● პროფესიული საქმიანობა და სხვ.

ზურგის ტკივილის მკურნალობა დამოკიდებულია მის გამომწვევ მიზეზებზე. ამ დროს ძალიან მნიშვნელოვანია ჯანსაღი ცხოვრების წესი და ფიზიკური აქტივობა. გარდა ამისა, ადამიანები მკურნალობის პროცესში აქტიურად იყენებენ ზურგის ქამრებს, რომლებიც ხელს უწყობს ამ ნაწილში ტკივილის შემსუბუქებას. განვიხილოთ, რამდენიმე მათგანი:

● წელის კორსეტი დამატებითი ღვედებით - გამოიყენება სპორტული დაზიანებების, მალთაშუა დისკის თიაქრის, ზურგის კუნთების დაჭიმვის, სპონდილოზისა და იოგების/მყესის დაზიანების მკურნალობის პროცესში. კორსეტს აქვს პლატმასის ჩანართები და დამატებითი ღვედები ფიქსაციის გაძლიერებისთვის.

 წელის კორსეტი მეტალის ჩანართით - 26 სმ ან 32 სმ სიგრძის მეტალის ჩანართები და დამატებითი ღვედები უზრუნველყოფს მაქსიმალურ ფიქსაციას. გამოიყენება მალების მოტეხილობის ან დისკის თიაქრის დროს.

● მატყლის წელის კორსეტი - უზრუნველყოფს სითბურ ეფექტს წელის არეში. მისი ტარება რეკომენდებულია რადიკულოპათიების დროს.

ზურგის ქამრების გამოყენების კონკრეტული დრო არ არის დადგენილი, რადგან ეს პერიოდი ინდივიდუალურ პრობლემაზეა დამოკიდებული და მათი ტარების ხანგრძლივობაც განსხვავებულია. მათი გამოყენება საშუალოდ რამდენიმე კვირის ან თვის განმავლობაში შეიძლება დაგჭირდეთ.