თანამედროვე ორთოპედიული ფიქსატორები

ფიქსატორები არსებობს სხვადასხვა ტიპის, სხეულის სხვადასხვა ნაწილისთვის განკუთვნილი და თითოეულ მათგანს თავისი დანიშნულება აქვს. ძირითადად, ამ პროდუქტს პაციენტები ტრავმების შემთხვევაში, რეაბილიტაციის პერიოდში ან რომელიმე დაავადების მკურნალობის პროცესში იყენებენ. განვიხილოთ რამდენიმე მათგანი:

● სხივ-მაჯის ფიქსატორები - უზრუნველყოფს სხივ-მაჯის იმობილიზაციას. გამოიყენება მოტეხილობის, ამოვარდნილობის, მყესის დაჭიმულობის ან მაჯის არხის სინდრომის დროს. მაჯის მანჟეტები კი იცავს სახსარს დამატებითი დაზიანებისგან სპორტული აქტივობებისა და ფიზიკური დატვირთვის დროს.

● მხრის ფიქსატორები -  გამოიყენება ართრიტის, ართროზის, მხრის, წინამხრის მოტეხილობისა ან ამოვარდნილობის შემთხვევაში. მისი ტარება  მხრის კუნთებისა და მყესების დაზიანება/დაჭიმვის დროსაც ეფექტურია.

● იდაყვის ფიქსატორები - გამოიყენება როგორც ფიზიკური დატვირთვის დროს  იდაყვის სახსრის დასაცავად, ასევე ტრავმების მკურნალობისა და რეაბილიტაციისთვის.

● მუხლის ფიქსატორები - სხვადასხვა ტრავმის, მყესების, იოგების, მენისკის დაზიანებისა და ართრიტის დროს გამოიყენება. მუხლის ფიქსატორები იცავს მუხლის სახსარს დაზიანებისგან და აჩქარებს რეაბილიტაციის პროცესს.

● კოჭის ფიქსატორები - ართრიტის, მოტეხილობის, ასევე ღრძობის, დაჭიმვის დროს ან თაბაშირის მოხსნის შემდგომი რეაბილიტაციის პერიოდში ინიშნება. აქილევსის მყესის გაწყვეტისას კონსერვატული და პოსტოპერაციული მკურნალობისთვის კი სპეციალური ორთეზი, ე.წ “ბუთი” გამოიყენება.

● მენჯ-ბარძაყის ფიქსატორები - გამოიყენება მენჯ-ბარძაყის სახრის  დაზიანების ან ოპერაციის შემდგომ პერიოდში სარეაბილიტაციოდ.

● წელის კორსეტები და ხერხმელის ქამრები - გამოიყენება ხერხემლის დეფორმაციების, მალთა-შუა დისკის თიაქრის, ოსტეოქონდროზის, მოტეხილობისა და სხვა სამედიცინო დანიშნულებით, როგორც პროფილაქტიკის, ასევე მკურნალობისა და რეაბილიტაციისთვის.

ორთოპედიულ ფიქსატორებს მრავალმხრივი გამოყენება აქვს. ეს გამოწვეულია იმით, რომ ეს პროდუქტი სხეულის თითქმის ყველა ნაწილისთვის არსებობს და ადამიანებს ჯანმრთელობის მდგომარეობის გაუმჯობესებაში ეხმარება. ორთოპედიული ფიქსატორების შესახებ დეტალური ინფორმაცია ხელმისაწვდომია სამედიცინო პორტალზე:  infomedical.ge.