ტერფის დიაგნოსტიკა თანამედროვე მეთოდებით

ტერფის ტკივილის გამომწვევი უამრავი მიზეზი არსებობს. ეს პრობლემა ხშირად აწუხებთ იმ ადამიანებს, რომლებსაც დიდხანს ფეხზე დგომა უწევთ ან ისეთი ფიზიკური აქტივობებით არიან დაკავებული, რომლის დროსაც დაზიანების

რისკი მაღალია. ტერფის ტკივილის მკურნალობა მიმდინარეობს კომპლექსურად, თუ მისი გამომწვევი მიზეზი ღრძობა ან დაჭიმულობაა, აუცილებელია მისი ფიქსაცია, ასევე რეკომენდებულია მედიკამენტოზური მკურნალობის დამატებაც. როგორც წესი, ეს კეთდება ექიმთან კონსულტაციის შედეგად და მისი სრული კონტროლის ქვეშ ტერფის კვლევის საფუძველზე. ადრეული მკურნალობა სხვა დაავადებების პრევენციასაც უწყობს ხელს და ზედმეტ გართულებებსაც აგარიდებთ. ტერფის დიაგნოსტიკის ჩატარება საჭიროა ისეთი დაავადებების დროს, როგორიცაა:

●  ბრტყელტერფიანობა;

●  პროფესიული და სპორტული ტერფი;

●  დიაბეტური ტერფი;

● ტერფმრუდობა;

● ტერფის ვალგუსური დეფორმაცია;

●  აქილევსის მყესის ანთება;

●  ქუსლის დეზი და სხვ.

როგორ ტარდება ტერფის დიაგნოსტიკა?

კომპანია „ახალი ხედვის“ კლინიკა მომხმარებლებს უკვე რამდენიმე წელია უმაღლესი ხარისხის კვლევასა და სერვისს სთავაზობს. სამედიცინო დაწესებულება აღჭურვილია თანამედროვე ტექნოლოგიების მქონე აპარატურით, რომლის საშუალებითაც პაციენტებს უტარდებათ პლანტოგრაფია, ანუ ტერფის კომპიუტერული კვლევა, რომელიც მოიცავს პოდოსკანირებასა და ბაროპოდომეტრიას, რაც გულისხმობს უძრავ და მოძრავ მდგომარეობაში ტერფის გამოკვლევას. ამ გამოკვლევის საფუძველზე იქმნება ტერფის სამგანზომილებიანი სურათი, რაც იძლევა საშუალებას, დაისვას სწორი დიაგნოზი და დამზადდეს ინდივიდუალური, უშუალოდ პაციენტის ტერფზე მორგებული ღაბაში (სუპინატორი), რომელიც უფრო ეფექტურია ყოველი ინდივიდუალური პრობლემის მკურნალობის პროცესისთვის

დამატებით რა უნდა ვიცოდეთ ტერფის კვლევაზე?

ტერფის დიაგნოსტიკა ძირითადად ტარდება 3-4 წლის ასაკიდან. კვლევის ჩასატარებლად აუცილებელია, რომ ბავშვი მინიმუმ 20-21 კგ-ს იწონიდეს. ტერფის დიაგნოსტიკის შედეგად, ზუსტი მონაცემები დგინდება:

● ტერფების დეფორმაციის ხარისხის;

● ტერფის თაღის ფორმის;

● ყრდნობის ფართის;

● სიმძიმის ღერძის შესახებ და სხვ.

სწორი დიაგნოზის დასმის შემდეგ, კლინიკა ინდივიდუალური ღაბაშების (სუპინატორების) დამზადების შესაძლებლობასაც გთავაზობთ - ეს მკურნალობის პროცესს ორმაგად ეფექტურს ხდის და ტერფზე უკვე არსებულ პრობლემებს ამცირებს.