ვისთვის არის საჭირო ფეხის ტერფის დიაგნოსტიკა?

ფეხის ტერფის დიაგნოსტიკა ბრტყელტერფიანობის არსებობისა და ტერფის დეფორმაციის ზუსტი ხარისხის დადგენის საშუალებას გვაძლევს. ამიტომ, მცირე პრობლემების შემთხვევაშიც კი ტერფის დიაგნოსტიკის ჩატარება აუცილებელია, განსაკუთრებით, ისეთი დაავადებების დროს, როგორიცაა:

● ბრტყელტერფიანობა;

● პროფესიული და სპორტული დეფორმაციები ტერფზე;

● დიაბეტური ტერფი;

● აქილევსის მყესის ანთება;

● ქუსლის დეზი;

● პლანტარული ფასციიტი და სხვ.

მათ შორის ბრტყელტერფიანობა საყრდენ-მამოძრავებელი აპარატის ერთ-ერთი ყველაზე გავრცელებული დაავადებაა. მისი ყველაზე ხშირი ფორმა კი - სტატიკური ბრტყელტერფიანობაა, როდესაც ტერფს რეგულარულად ჭარბი დატვირთვა აქვს. შეიძლება ეს წონის მატებასთან ან პროფესიულ საქმიანობასთანაც იყოს კავშირში.  კვლევა ძირითადად,  3-4 წლიდან ტარდება და ამისთვის აუცილებელია  ბავშვი  მინიმუმ 20-21 კილოგრამს იწონიდეს. “ახალი ხედვის” კლინიკაში ეს პროცესი იტალიური ფირმა Diasu-ს ულტრასენსორული აპარატით ტარდება, რომელიც ბილიკზე სიარულის დროს მონაცემებს ინახავს. ბაროპომეტრული დიაგნოსტიკა და სკანირება  ტერფის ფორმის, ყრდნობის ფართის, სიმძიმის ღერძისა და სხვა მნიშვნელოვანი დეტალების შესახებ ზუსტ ინფორმაციას იძლევა. „ახალი ხედვის“ კლინიკა აღჭურვილია თანამედროვე ტექნოლოგიების მქონე აპარატურით, რომლის საშუალებითაც პაციენტებს უტარდებათ პლანტოგრაფია, ანუ ტერფის კომპიუტერული კვლევა, რომელიც მოიცავს პოდოსკანირებასა და ბაროპოდომეტრიას, რაც გულისხმობს უძრავ და მოძრავ მდგომარეობაში ტერფის კვლევას. ამ გამოკვლევის საფუძველზე იქმნება ტერფის სამგანზომილებიანი სურათი - რაც სწორი დიაგნოზი დასმის წინაპირობაა. ტერფის დიაგნოსტიკის შემდეგ კლინიკაში ინდივიდუალური სუპინატორის დამზადებაც არის შესაძლებელი. ინდივიდუალური სუპინატორი უშუალოდ პაციენტის ტერფზეა მორგებული, რაც სხვადასხვა პრობლემის მკურნალობის პროცესისთვის ყველაზე ეფექტურია.