ზურგის ტკივილის გამომწვევი მიზეზები

არაჯანსაღი ცხოვრების წესი, საოფისე სამუშაო, კომპიუტერთან საათობით არასწორ პოზაში ჯდომა, ჭარბი წონა და მჯდომარე სამუშაო დღესდღებით ზურგის ტკივილის გამომწვევ მთავარ ფაქტორებად ითვლება. გარდა ამისა, არის შემთხვევები, როდესაც ეს პრობლემა გადატვირთული ფიზიკური დატვირთვის ან ავარიის დროს მიღებულ ტრავმას უკავშირდება. ზურგის ტკივილის მკურნალობა დამოკიდებულია მის გამომწვევ მიზეზებზე. ამ პრობლემის ყველაზე გავრცელებულ მიზეზებად სახელდება:

● მჯდომარე ცხოვრების წესი;

● ხერხემლის პათოლოგიები;

● ფიზიკური დატვირთვა;

● პროფესიული საქმიანობა და სხვ.

ზურგის არეში დატვირთვის შემსუბუქების მიზნით და დისკომფორტის შესამცირებლად ადამიანები სხვადასხვა ორთოპედიულ საშუალებას ატარებენ. ორთოპედიული ქამრები ხერხემლის საჭირო ხარისხით ფიქსაციას უზრუნველყოფს და ზურგის კუნთების დაჭიმვის, სპონდილოზისა და იოგების/მყესის დაზიანების მკურნალობის პროცესში მაქსიმალურ ეფექტს იძლევა.  განვიხილოთ, რამდენიმე მათგანი:

● წელის კორსეტი პლასტმასის ჩანართით - დამზადებულია ელასტიური ბამბის ქსოვილისაგან. კორსეტი უზრუნველყოფს წელის არის (კუნთების, ხერხემლის მალების, მალთაშუა დისკების) დაცვას და გამოიყენება ზურგისა და წელის არეში ტკივილის დროს. ხშირია მისი გამოყენება რევმატოლოგიური დაავადებებისა და ხერხემლის თიაქრის დროს.

● წელის კორსეტი დამატებითი ღვედებით - გამოიყენება სპორტული დაზიანებების, მალთაშუა დისკის თიაქრის, ზურგის კუნთების დაჭიმვის, სპონდილოზისა და იოგების/მყესის დაზიანების მკურნალობის პროცესში. კორსეტს აქვს პლატმასის ჩანართები და დამატებითი ღვედები ფიქსაციის გაძლიერებისთვის.

● წელის კორსეტი მეტალის ჩანართით - 26 სმ ან 32 სმ სიგრძის მეტალის ჩანართები და დამატებითი ღვედები უზრუნველყოფს მაქსიმალურ ფიქსაციას. გამოიყენება მალების მოტეხილობის ან დისკის თიაქრის დროს.

ორთოპედიულ პროდუქტებზე დამატებითი ინფორმაცია შეგიძლიათ მიიღოთ სამედიცინო პორტალზე - Infomedical.ge.  თუმცა, უნდა ვიცოდეთ, რომ ხერხემლის ნორმალური  განვითარებისთვის  ფიზიკური აქტივობა, ვარჯიში, ცურვა და ჯანსაღი ცხოვრების წესის დაცვა ძალიან მნიშვნელოვანია.