"17 წელი ვიყავი ციხეში, ვერ შემაშინებთ, შეურაცხადი ვარ..." - ხობში, მძიმე დანაშაულებისთვის ნასამართლევი პირი თანასოფლელებს ემუქრება

პოლიცია

ხობის რაიონის სოფელ საჯიჯში, კაცი, რომელიც 17 წელი ციხეში იჯდა, ახლა სოფელს ატერორებს. ამის შესახებ ინფორმაცია სოციალურ ქსელში ვრცელდება.

ადგილობრივების ცნობით, აღნიშნული პიროვნება ციხეში სასჯელს მძიმე დანაშაულებისთვის იხდიდა, შემდეგ კი ფსიქიკურად შეურაცხადის სტატუსი მიიღო. მათივე ცნობით, ის წლებია უკვე სოფლის მოსახლეობას აშინებს, ემუქრება, თანასოფლელებს უკანონოდ ართმევს მიწებს, აყენებს ფიზიკურ და სიტყვიერ შეურაცხყოფას.

ფეისბუქზე გავრცელებულ პოსტში, კახა ურადმყოფელი წერს, რომ დაზარალებულია თსუ-ს პროფესორი, თამარ ქარაია და მისი დედა:

"რასაც ახლა წაიკითხავთ, საშინელებათა ფილმის სცენარი არ გეგონოთ! ეს ყველაფერი რეალურია და ჩემი და ბევრი თქვენგანის მეგობარი, თსუ-ს პროფესორი თამარ ქარაია ძალიან დიდ განსაცდელში და საფრთხეშია.

თამარის მშობლიურ სოფელში (საჯიჯაო, ხობის რაიონი) ცხოვრობს კაცი, რომელიც 17 წელი იჯდა ციხეში სხვადასხვა მძიმე დანაშაულისთვის, მათ შორის, არაერთგზის ყაჩაღობის ბრალდებით. ბოლოს სიმულიანტობით მოიპოვა ფსიქიკურად შეურაცხადის სტატუსი (90-იანი წლების შესაძლებლობებით) და ასე გამოაღწია ციხიდან.

ამ შეურაცხადის სტატუსით მოიპოვა ხელშეუხებლობა, წლებია აშინებს და ავიწროებს სოფელს: ყველას, რიგით მოქალაქეს, საჯარო მოხელეს თუ ორგანოს თანამშრომელს ემუქრება, აყენებს სიტყვიერ და ფიზიკურ შეურაცხყოფას! (ამის მრავალი ფაქტი დაფიქსირდა) შეავიწროვა მეზობლები, წაართვა მათი კუთვნილი მიწა, შემოღობა ტერიტორიები უკანონოდ!

ასევე, მეზობელ ნაკვეთებზე არ აძლევს ეკონომიკური საქმიანობის განხორციელების საშუალებას, მისი პირუტყვი აჩანაგებს გაშენებულ ვენახს, თხილს თუ სიმინდს! არ იხდის არანაირ გადასახადს და ვერავინ უბედავს ვერც მოთხოვნას და ვერც კომუნალურების ჩაჭრას! აქვს სოციალური დახმარება! ჰყავს მანქანა და ჩვეულებრივ გადაადგილდება! მიუხედავად არაერთი ადამიანის შევიწროებისა, წლების მანძილზე ვერავინ გაბედა მის წინააღმდეგ ჩვენების მიცემა, იმიტომ რომ ყველას აშინებს ციხიდან გამოსვლის შემდეგ შურისძიებით!

მისი სტანდარტული ტექსტია - "17 წელი ვიყავი ციხეში, ვერ შემაშინებთ, შეურაცხადი ვარ, დავბრუნდები და დიდიან პატარიანად გადაგწვავთ", "შუბლს გაგიხვრეტთ".

თამარის ასაკოვანი დედა, მისი უშუალოდ დარჩენილი ერთ-ერთი მეზობელია. მიუხედავად წლების მანძილზე უდიდესი ზეწოლისა, რაც მისი ნაკვეთების ღობის მორღვევასა და პირუტყვის საბალახოდ შეშვებაში გამოიხატებოდა, ბოლო 10 დღეში ყველაფერმა პიკს მიაღწია და ამ კაცმა პირდაპირ გადმოანგრია ღობე, შემორეკა საქონელი. ასევე, კატეგორიულად მოსთხოვა თამარს დაეთმო მისი ეზოს ნაწილი საქონლის გადასარეკად, რეალურად კი მიზანი თამარის ასაკოვანი დედის შევიწროება და იძულებაა, რომ საბოლოოდ დათმოს სახლ-კარი.

მოვლენების პიკი 15 თებერვალი იყო, როდესაც პროვოკაციის მიზნით თამარის ჭიშკართან მიმოფანტა ნაგავი. თამარი შეეცადა შეწინააღმდეგებას, მაგრამ მიაყენა სიტყვიერი შეურაცხყოფა და დაემუქრა რომ შუბლს გაუხვრეტს მასაც და დედამისსაც, რომ არავისი ამქვეყნად არ ეშინია (არსებობს ამის ჩანაწერი, ადასტურებენ მოწმეები, რომლებიც ამ დაპირისპირებას შეესწრნენ და მოხვდნენ ამ ვიდეოჩანაწერში). ეს ყველაფერი ადგილზე მისულ პოლიციასთანაც გაიმეორა, პოლიციას მიაყენა სიტყვიერი და ფიზიკური შეურაცხყოფა. შეეცადა გაქცევას. პოლიცია ამჯერად იძულებული გახდა დაეკავებინა.

მისი სახლის ჩხრეკისას ამოიღეს სხვადასხვა იარაღი, მათ შორის პისტოლეტი, ტყვია-წამალი, ხელყუმბარის და ავტომატის ნაწილები.

თამარის დედას ამ ყველაფრის ფონზე განუვითარდა ინფარქტი და ინსულტი და ახლა ზუგდიდის საავადმყოფოშია გადაყვანილი. წუხელ მისი მდგომარეობა ძალიან დამძიმდა. განუვითარდა პარალიზი და პარეზი. თამარს მარტოს მოუწია გაეკეთებინა ის, რაც საზოგადოებამ და სახელმწიფომ თავის დროზე არ გააკეთა და ამ უმოქმედობით ხელი შეუწყო ადგილზე ტერორის ბუდის მოწყობას. ეს ტერორი ახლაც გრძელდება, ადგილობრივ მოსახლეობას სჯერა დამნაშავის დაბრუნების, დაპირებული შურისძიების და ამიტომ დუმილს ინარჩუნებს. თამარი ახლა უნივერსიტეტში უნდა იყოს და არა საავადმყოფოში! ! ამ კაცი გარეთ ყოფნა არ შეიძლება! თამარს არ უნდა ეშინოდეს ხვალინდელი დღის! სახელმწიფომ უნდა იმოქმედოს! გთხოვთ ვისაც რაიმე ზეგავლენა შეგიძლიათ ამ საქმეზე, იმოქმედეთ." - ნათქვამია პოსტში.

მასალის გამოყენების პირობები
სხვა სიახლეები
ირანი
ირანმა, შესაძლოა, უახლოეს 24 საათში ისრაელზე მასიური სარაკეტო შეტევა განახორციელოს - CBS

ირანმა, შესაძლოა, უახლოეს 24 საათში ისრაელზე მასიური სარაკეტო შეტევა განახორციელოს, იუწყება CBS აშშ-ის მთავრობის წყაროებზე დაყრდნობით. მათი თქმით, თავდასხმა ისრაელის სამხედრო ობიექტებზე იქნება მიმართუ...

მსოფლიო 1712962500

თეთრი სახლი
თეთრ სახლში აცხადებენ, რომ ისრაელზე ირანის თავდასხმის საფრთხე რეალურია

ისრაელზე ირანის თავდასხმის საფრთხე რეალურია, – ამის შესახებ აშშ-ს პრეზიდენტის ადმინისტრაციის ეროვნული უსაფრთხოების საბჭოს პრესსპიკერმა, ჯონ კირბიმ განაცხადა. თეთრი სახლის წარმომადგენლის თქმით, შეერთებ...

მსოფლიო 1712960940

ჯანგირაშვილი
"ჩემი აზრით ოცნებამ ერთი კარგი საქმე მაინც გააკეთა რუსული კანონის ინიცირებით" - რას წერს ნინო ჯანგირაშვილი

"ჩემი აზრით ოცნებამ ერთი კარგი საქმე მაინც გააკეთა რუსული კანონის ინიცირებით. ახალგაზრდები ბოლოს და ბოლოს ზუსტად მიხვდებიან, რატომ უნდა მიბრძანდნენ აუცილებლად არჩევნებზე და რატომ უნდა გამოდღლიზონ თავი...

სოცმედია 1712954100

გოგოტიშვილი
"აუცილებლად დაიწყებს სულ მალე. ვიყოთ რეალისტები..." - თენგო გოგოტიშვილი

"საქართველოში ათობით ათასი ლაზარეა - ვის დასაჭერადაც ბორიას ხელები ექავება. და აუცილებლად დაიწყებს სულ მალე. ვიყოთ რეალისტები" წერს თენგო გოგოტიშვილი.

სოცმედია 1712953680

ხარანაული.jpg
"რა ივლიდა ცხრა ზამთარი და ცხრა გაზაფხული, ახალგაზრდა კაცის ცოდვით გაღუნული" - ბესიკ ხარანაული ლაზარე გრიგორიადისის შეწყალებაზე

"ღმერთმა გიშველოთ! რა ივლიდა ცხრა ზამთარი და ცხრა გაზაფხული, ახალგაზრდა კაცის ცოდვით გაღუნული." წერს ბესიკ ხარანაული ლაზარე გრიგორიადისის შეწყალებაზე.

სოცმედია 1712953380

სანაია
"ვიღაც ქალები ჰყავს სტუმრად - ამ შეწყალების გამო ნოე ჟორდანიას წყევლიან" - რას წერს ვახო სანაია

"თამუნამ პოსტივი ჩამირთო, ეს უნდა ნახო, გინდა თუ არაო. შალვა რამიშვილს რომ დედა აქვს მოტ@ნული, ეგ არაფერი. ვიღაც ქალები ჰყავს სტუმრად - ამ შეწყალების გამო ნოე ჟორდანიას წყევლიან." წერს ვახო სანაია.

სოცმედია 1712953140