ეს ვიდეო ბავშვებს არ ანახოთ - 22 წლის ბიჭი წამებით საპროცესო შეთანხმებით გათავისუფლებულმა სამჯერ ნასამართლევმა პირმა მოკლა

"გოჩამ გადმოათრია დივნიდან თავი არტყმევინა მეტლახზე, თაზომ დაიწყო ხროტინი, მერე კიდევ ცემა, წინააღმდეგობას ვერ უწყევდა ხელები ჰქონდა აფარებული, კრიჭა შეეკრა ხროტინი დაიწყო და მოკვდა"- მოპოვებულია ვერონიკა კაპანაძის ჩვენება. ქალის, რომელმაც გამოძიების ინფორმაციით, 22 წლის თაზო მთივლიშვილის სასტიკი მკვლელობის და წამების ფაქტს  საკუთარი თვალით უყურა, მაგრამ არც პოლიციაში და არც სასწრაფოში არ დარეკა.

აღიარებითი ჩვენება ქალმა პოლიციას მხოლოდ ორი დღის შემდეგ მაშინ მისცა, რაც  დანაშაულის დაფარვის ბრალდებით დააკავეს. ფარული საგამოძიებო მოქმედებების დროს ვერონიკა კაპანაძემ საგამოძიებო უწყებას უთხრა, ისიც რომ 22 წლის თაზო გიორგი პაპაშვილმა მოკლა.

განსაკუთრებული სისასტიკით ჩადენილი მკვლელობისთვის გიორგი პაპაშვილი ახლა ძებნილია - 36 წლის კაცი მეგობრის მკვლელობის  შემდეგ საქართველოდან გაიქცა.

"შაბათის გუნდმა" დაადგინა, რომ ის მანამდე სამჯერ იყო ნასამართლევი და წესით ახლაც პოლიციელზე თავდასხმის ბრალდებით, ციხეში უნდა იჯდეს.

"ტვ პირველის" გამომძიებელი ჟურნალისტების მიერ მოპოვებული დოკუმენტებით დგინდება,  რომ მკვლელობაში

ბრალდებული გიორგი პაპაშვილი პოლიციელზე თავდასხმის ბრალდებით თეთრიწყაროში 2020 წელს დააკავეს, გაასამართლეს მაგრამ ციხე ერთ წელიწადში პროკურატურის შეღავათების საფუძველზე

დაატოვა - საპროცესო გაუფორმეს და 4 წელი პირობითი მსჯავრი დააკისრეს.

გიორგი პაპაშვილზე ახლა  საქართველოშიც და თურქეთშიც ძებნაა გამოცხადებული. მასთან ერთად სამართალდამცველები ეძებენ 30 წლის  ბაირამ ალი გუსეინოვსაც. მეშაურმეს, რომელიც  პროკურატურის მტკიცებით, თაზო მთივლიშვილის სასტიკი მკვლელობის ფაქტს 20 წლის  ლუკა გვენეტაძესთან, 21 წლის  ვერიკო კაპანაძესთან და 20 წლის  საბა რობაქიძესთან ერთად უყურებდა, თუმცა დანაშაული დაფარა და ქვეყანა სარფის გავლით  მკვლელობაში ბრალდებულ გიორგი პაპაშვილთან ერთად  დატოვა.

რა მოხდა მკვლელობის დღეს ორთაჭალაში?
22 წლის თაზო მთივლიშვილი  წამებით მისივე დაბადების დღეზე მოკლეს. თაზო, საბურთალოზე ერთ-ერთი საშაურმეში მოლარედ მუშაობდა, აქვე იყო დასაქმებული ამ საქმის კიდევ სამი ფიგურანტი. კიდევ ერთი დაკავებულის, საბა რობაქიძის ჩვენებიდან ირკვევა: 

2025 წლის 1 იანვარს საშაურმეში, გოჩა, იგივე გიორგი პაპაშვილი გამოჩნდა, ის აქ დასაქმებულ ახალგაზრდებს შავი სამყაროს  წარმომადგენლად გაეცნო, უთხრა, რომ ე.წ. ქურდული საერთოსთვის  ფული ყოველ თვე უნდა გადაეხადათ, თუ მშვიდად მუშაობის და ცხოვრების სურვილი ჰქონდათ.
იმისთვის რომ ქურდული საერთოში ფული ხელფასიდან არ ეხადათ გიორგი პაპაშვილმა მათ, სქემა შესთავაზა: მომხმარებელს, რომელიც შაურმის საფასურს ნაღდი ფულით იხდიდა, სისტემაში არ ატარებდნენ, დღის ბოლოს კი ფული კი გოჩა გიორგი პაპაშვილთან მიჰქონდათ. 
„შაბათი ეთერის „ ინფორმაციით, თაზო მთივლიშვილის მკვლელობაც სწორედ ე.წ. ობშიაკის განაწილებას მოჰყვა  - გოჩა პაპაშვილს ეჭვი ჰქონდა, რომ მოკლულს, მასთან მოპარული ფული სრულად არ მიჰქონდა.

ჩვენებებით დასტურდება, რომ 22 წლის ბიჭმა  პირველი ცემის დროს გონება დაკარგა, რის გამოც თვითმხილველების ცნობით, საძინებელ ოთახში გაიყვანეს, თუმცა  პაპაშვილმა ის უკან  ოთახში გამოიყვანა და წამება გააგრძელა.