შოკის მომგვრელი ამბავი - დედა არასრულწლოვან ქალიშვილზე სექსუალურად ძალადობდა

სოციალური ქსელით ბავშვის შოკისმომგვრელი ვიდეო ვრცელდება - მცირეწლოვანი გოგონა ჰყვება, რომ ბიოლოგიური დედა სექსუალურად ძალადობდა.  მცირეწლოვანი ბავშვის მამა, ცნობილი რუსი ბიზნესმენი პაველ სვრისკია, ის ახლა თბილისში ცხოვრობს და საქართველოს პროკურატურისგან ბავშვის ბიოლოგიური დედის დასჯას ითხოვს.

ცნობილი მსახიობი რეგინა მიანიკი, "შაბათის ეთერს" უყვება, რომ სამი წლის წინ ის მეუღლესთან, ბიზნესმენ პავილ სვირსკისთან ერთად საქართველოში საცხოვრელად გადმოვიდა. სწორედ ამ დროს აღმოაჩინა, რომ მის გერს უჩვეული ქცევა ჰქონდა. საბოლოოდ, დედინაცვალმა აღმოაჩინა, რომ სკოლის ასაკის მოსწავლე სექსუალური ძალდობის მსხვერპლი იყო.

ისტორია, რომელსაც ქალი ყვება გამაოგნებელია, ის ამტკიცებს, რომ სკოლის მოსწავლეს ბიოლოგიური დედა პორნოგრაფიული და ეროტიკული შინაარსის ვიდეომასალას უჩვენებდა.

მისი თქმით, ამის შემდეგ მცირეწლოვნის მეურვეები მიხვდნენ, რომ უმძიმესს დანაშაულთან ქონდათ საქმე და თბილისში პოლიციის არასრულწლოვანთა  დეპარტამენტს მიმართეს. პაველ სვირსკიმ მისი ყოფილი ცოლი მცირეწლოვან შვილზე სექსუალურ ძალადობაში დაადანაშაულა.

თბილისის პოლიციის არასრულწლოვანთა დეპარტამენტში ბავშვის გამოკითხვებს ოჯახის უფლებადამცველი ესწრებოდა, ის ადასტურებს, რომ ბავშვი გარყვნილი ქმედების არა ერთ ეპიზოდს აღწერდა.

ჩვენების შემდეგ მცირეწლოვანს ექსპერტიზა ჩაუტარდა. 10 მდე სამედიცინო ფსიქოლოგიურმა კვლევამ აჩვენა, რომ ბავშვი მსხვერპლია და მასზე ბიოლოგიური დედა სექსუალურად ძალადობდა. დამოუკიდებელი ექსპერტების დასკვნას იმეორებს სამხარაულის ეროვნული ბიუროც.ტვ პირველი