რუსთავის თეატრი  59-ე სეზონს  19 სექტემბერს გახსნის

რუსთავის გიგა ლორთქიფანძის თეატრი ახალ, 59-ე სეზონს ხსნის. თეატრის 59-ე  თეატრალური სეზონი 19 სექტემბერს 20:00 საათზე, რუსთავის თეატრის დირექტორის,  სოსო ნემსაძის  სპექტაკლით „ფაბრიკის გოგოები“  ოფიციალურად გაიხსნება. აღნიშნული სპექტაკლით რუსთავის თეატრი  ასევე თბილისის საერთაშორისო თეატრალური ფესტივალის ფარგლებში მიიღებს მონაწილეობას.

აღსანიშნავია ისიც, რომ ახალ სეზონზე მაყურებელს განახლებული რეპერტუარი და რამდენიმე პრემიერა ელის.

როგორც რუსთავის თეატრის ოფიციალურ ფეისბუქ გვერდზე ვკითხულობთ:

„19 სექტემბრიდან რუსთავის თეატრის 59-ე სეზონი

ონლაინ ბილეთების შესაძენად 》》》 https://biletebi.ge/rustavi-municipal-theatre

ბილეთებთან დაკავშირებით ინფორმაცია 558 401 801

ლინკები

Tik-Tok 》https://www.tiktok.com/@rustavi.theatre?_t=ZS-8zO9HJFA6Wy…

Instagram 》 https://www.instagram.com/rustavitheatre…“

ცნობისთვის,

რუსთავის გიგა ლორთქიფანძის თეატრი ქალაქ რუსთავში 1967 წელს შეიქმნა გიგა ლორთქიფანიძის ინიციატივითა და უშუალო ხელმძღვანელობით, კოტე მარჯანიშვილის თეატრიდან წასულ 26 ახალგაზრდა მსახიობის ძალებით. მათ შორის იყვნენ ოთარ მეღვინეთუხუცესი, თენგიზ არჩვაძე, რევაზ ხობუა, ია ხობუა, ქეთევან კიკნაძე, ლეო ანთაძე, თამარ სხირტლაძე, ირაკლი უჩანეიშვილი, თენგიზ მაისურაძე, ზაზა ლებანიძე, ჯემალ გაგნიძე, გივი ბერიკაშვილი, ნოდარ მგალობლიშვილი, მალხაზ გორგილაძე, იოსებ გოგიჩაიშვილი, კოტე თოლორაია და სხვები.

საბჭოთა კავშირის პირობებში მათი ქმედება და თეატრის გახსნა ნამდვილ თეატრალურ რევოლუციად შეფასდა. თეატრის სამხატვრო ხელმძღვანელად დაინიშნა გიგა ლორთქიფანიძე, დირექტორად კი — ნოდარ მგალობლიშვილი. 1967 წლის 30 ნოემბერს თეატრი ოფიციალურად გაიხსნა ე. როსტანის რომანტიკული დრამით „სირანო დე ბერჟერაკი“.