ჩინეთის პრეზიდენტმა პეკინში დონალდ ტრამპს აცნობა, რომ პუტინმა შესაძლოა, საბოლოოდ „ინანოს“ უკრაინაში შეჭრა - Financial Times

ჩინეთის პრეზიდენტმა სი ძინპინმა პეკინში დონალდ ტრამპს განუცხადა, რომ პუტინმა შესაძლოა საბოლოოდ „ინანოს“ უკრაინაში შეჭრა - იტყობინება Financial Times. წყაროების ცნობით, სი ძინპინმა ეს განცხადება ფართომასშტაბიანი მოლაპარაკებების დროს გააკეთა, სადაც უკრაინის საკითხი წამოიჭრა.

 ამავდროულად, სტატიაში ნათქვამია, რომ სი ძინპინის კომენტარები პუტინის მიერ სრულმასშტაბიანი შეჭრის დაწყების გადაწყვეტილებაზე უფრო მკაცრი ჩანდა, ვიდრე ადრე. "ერთ-ერთმა წყარომ, რომელიც ინფორმირებულია სი ძინპინის შეხვედრებზე ყოფილ პრეზიდენტ ჯო ბაიდენთან, განაცხადა, რომ მიუხედავად იმისა, რომ ლიდერებს რუსეთსა და უკრაინაზე „გულწრფელი და პირდაპირი“ მოლაპარაკებები ჰქონდათ, სი ძინპინს მაშინ არ გამოუთქვამს თავისი შეხედულებები პუტინსა და ომზე“ | წერს Financial Times.

კვირას ტრამპის ადმინისტრაციამ გამოაქვეყნა საინფორმაციო ბიულეტენი პეკინის სამიტის შესახებ, თუმცა მასში პუტინსა ან უკრაინის ომზე საუბრები ნახსენები არ ყოფილა.

ასევე, წყაროების ცნობით, სი ძინპინთან სამიტის დროს ტრამპმა შესთავაზა აშშ-ს, ჩინეთსა და რუსეთს, გააერთიანონ ძალები სისხლის სამართლის საერთაშორისო სასამართლოს (ICC) წინააღმდეგ. "სი ძინპინის კომენტარი პუტინის შესახებ გაჟღერდა იმ ფონზე, როდესაც რუსეთის ომი უკრაინის წინააღმდეგ, ოთხი წლის შემდეგ, ჩიხში შევიდა, განსაკუთრებით იმის გათვალისწინებით, რომ კიევმა უფრო ეფექტურად დაიწყო უპილოტო საფრენი აპარატების გამოყენება რუსულ ჯარებსა და სამიზნეებზე თავდასხმისთვის" - ნათქვამია სტატიაში.  აშშ-ის პრეზიდენტი ჩინეთში 13 -14 მაისს იმყოფებოდა. დღეს კი პეკინში პუტინი ჩადის.