"დიახ, მე ვარ ის ადამიანი, ვინც თქვა, რომ „არწახი სომხეთია და წერტილი“ - ფაშინიანი

"დიახ, მე ვარ ის ადამიანი, ვინც თქვა, რომ „არწახი სომხეთია და წერტილი“. ეს იმიტომ, რომ მე ერთგული ვიყავი იმ იდეისა, რომლითაც 30 წლის განმავლობაში გვკვებავდნენ. მაგრამ მე გავყევი ამ გზას და დავინახე - სრული გულწრფელობით ვამბობ - რომ ჩვენ არ გვაქვს უფლება, ეს კონფლიქტი, ეს სისხლმდინარე ჭრილობა მომავალ თაობებს გადავცეთ. ჩვენს შვილებს მშვიდობა უნდა გადავცეთ. მე ყველა შესაძლო გზით მივყევი ამ პრობლემას და დავინახე, რომ ეს იყო ცდუნება. და დავინახე, რომ ეს იყო ხაფანგი. დიახ, სწორედ მე გამოვიჩინე სიმამაცე და ვუთხარი ხალხს, რომ ჩვენ არასწორი გზით მივდიოდით, რომ უნდა გავჩერებულიყავით და არ გაგვეგრძელებინა „ყარაბაღის მოძრაობა“. ამის წყალობით, ჩვენ ახლა უფრო მეტად ვართ სახელმწიფო, ვიდრე ოდესმე, უფრო დამოუკიდებლები ვართ, ვიდრე ოდესმე, უფრო მეტად ვართ უსაფრთხოებით უზრუნველყოფილნი, ვიდრე ოდესმე და იმაზე მეტი კეთილდღეობა გვაქვს, ვიდრე ოდესმე... და მე გილოცავთ ყველას ამას, დამყარებულ მშვიდობას. უკვე ორი წელია, რაც ჩვენს საზღვრებზე არ არის მსხვერპლი, არ არიან დაჭრილები. ეს კი ჩვენი მსხვერპლთა ხსოვნისადმი პატივისცემის უდიდესი გამოხატულებაა. ჩვენ გავათავისუფლეთ, მე გავათავისუფლე სომხეთის რესპუბლიკა და მე მივიჩნევ ამას ჩემს უდიდეს სამსახურად, რომელიც სომხეთის რესპუბლიკას გავუწიე" | განაცხადა სომხეთის პრემიერმა, ნიკოლ ფაშინიანმა.