ევროკავშირმა ქიმიური იარაღის გამოყენებისთვის რუსეთს და სირიას სანქციები ერთი წლით გაუგრძელა

ევროკავშირმა ქიმიური იარაღის გავრცელებასა და გამოყენებისთვის დაწესებული სანქციები ერთი წლით გაახანგრძლივა. ამ რეჟიმში მოხვდნენ რუსეთი და სირია.

"გაგრძელდეს შემზღუდველი ზომები ქიმიური იარაღის გავრცელებისა და გამოყენებისთვის კიდევ ერთი წლით, 2022 წლის 16 ოქტომბრამდე", - ნათქვამია ევროკავშირის განცხადებაში.

შემზღუდავი ზომები, რომელიც ამჟამად მიმართულია 15 ადამიანისა და ორი ბიზნესსუბიექტის წინააღმდეგ, მოიცავს ევროკავშირში შესვლის აკრძალვას და ფიზიკური პირებისა და იურიდიული პირებისათვის აქტივების გაყინვას. გარდა ამისა, ევროკავშირის ფიზიკურ და იურიდიულ პირებს ჩამოთვლილი პირებისთვის სახსრების მიცემა ეკრძალებათ.

კერძოდ, სიაშია დამასკოს სამეცნიერო კვლევისა ცენტრი, რომელიც სირიაში ქიმიური იარაღის შემუშავებაში საკვანძო როლს ასრულებს, ასევე რუსეთის სახელმწიფო ორგანული ქიმიისა და ტექნოლოგიის კვლევითი ინსტიტუტი, რომელიც ნერვული აგენტის "ნოვიჩოკის" შექმნის უკან დგას. ასევე, სასანქციო სიაში 5 ადამიანი სირიიდან და 10 რუსეთიდან შედის.

აღსანიშნავია, რომ სანქციების ეს რეჟიმი დაწესდა ქიმიური იარაღის შემუშავებასა და გამოყენებაზე პასუხისმგებელი პირების წინააღმდეგ, ასევე მათ წინააღმდეგი, ვინც მათ ფინანსურ, ტექნიკურ თუ მატერიალურ დახმარებას უწევს.

გასული წლის ოქტომბერში ევროკავშირმა გააგრძელა სანქციები "ქიმიური იარაღის გამოყენებისათვის", მათ შორის რუსეთის ოთხი მოქალაქის წინააღმდეგ, რომლებიც სერგეი სკრიპალისა და მის ქალიშვილ იულიას მოწამვლასთან არიან კავშირში.