პუტინის თვითიზოლაცია თუ ოპერაციის შემდგომი რეაბილიტაცია - МГИМО-ს ყოფილი პროფესორის ვერსია

რუსული მედიის ინფორმაციით, МГИМО-ს ყოფილი პროფესორი, ვალერი სოლოვეი, რომელსაც კრემლი არ სწყალობს, აცხადებს, რომ ვლადიმერ პუტინის თვითიზოლაცია საკმაოდ დიდ ეჭვებს ბადებს. მან ყურადღება მიაქცია იმ განსხვავებულ განცხადებებს, რომელიც ამ ფაქტის შესახებ თავად პუტინმა და მისმა პრესმდივანმა პესკოვმა გააკეთა.

სოლოვეის თქმით, ამჟამად კრემლის ადმინისტრაცია დაკავებულია მიზეზის ძიებით, რომლითაც სახელმწიფოს მეთაურის "გაუჩინარებას" გაამართლებენ. იგი ამ განსხვავებულ ახსნა-განმარტებებს, "მოუხერხებელი" უწოდა. მართალია 17 სექტემბერს კრემლმა გაავრცელა ვიდეო, თუ როგორ აძლევს პუტინი ხმას დისტანციური ხმის მიცემის წესის გამოყენებით, მაგრამ ამ ვიდეომაც ინტერნეტში დიდი აურზაური გამოიწვია.

პოლიტოლოგი აცხადებს, რომ კრემლში არ არის "ათობით კორონაინფიცირებული ადამიანი", როგორც ეს ოფიციალურ ვერსიაშია გაჟღერებული.

"პუტინს სურს გაიკეთოს ქირურგიული ოპერაცია, რათა სიცოცხლის ხარისხი გაიუმჯობესოს," - აცხადებს პროფესორი და ინფორმაციის წყაროდ კრემლთან დაახლოებულ უცნობ პირს ასახელებს. 

მან არ იცის რა სახის ოპერაციას იკეთებს პრეზიდენტი, თუმცა, აცხადებს, რომ მართალია ის რთული არ არის, მაგრამ გარკვეული სარეაბილიტაციო პერიოდი სჭირდება.

მისი თქმით, პუტინი ამ სახით ადრეც "გაუჩინარებულა", მაგრამ ამჟამად გადაწყვიტა, რომ ამჯერად ეს ამბავი დაასაჯაროოს, კორონაიზოლაციის საბაბით. 

არსებობს კიდევ ერთი ვერსია - 17 სექტემბერს დუშანბეში "შანხაის თანამშრომლობის ორგანიზაციის" სამიტი გაიხსნა, რომელსაც არ ესწრებიან ორგანიზაციის წამყვანი ქვეყნების - რუსეთის, ჩინეთისა და ინდოეთის ლიდერები. რუსეთის ლიდერისგან განსხვავებით, დანარჩენი ორი სახელმწიფოს ლიდერის არყოფნის მიზეზი უცნობია. ჟურნალისტები ვარაუდობენ, რომ მათ თავი შეიკავეს ერთმანეთთან პირისპირ შეხვედრისაგან, რათა რა გაჟონილიყო ის უთანხმოებები, რომელიც ამ ქვეყნებს ავღანეთის საკითხთან დაკავშირებით გააჩნიათ,

წყარო: topnews.ru