„სომეხმა ხალხმა თავისი ხმით დაიცვა სახელმწიფო, მხარი დაუჭირა დამოუკიდებლობას, მომავალს, მშვიდობას და თავად სომხეთის რესპუბლიკას“ - ფაშინიანი

„უპირველეს ყოვლისა, მინდა მივულოცო სომეხ ხალხს გამარჯვება, რომელიც 2026 წლის 7 ივნისს ჩატარებული არჩევნების შედეგად მოიპოვა. თავისი ხმით ამ ხალხმა დაიცვა სახელმწიფო, მხარი დაუჭირა დამოუკიდებლობას, მომავალს, მშვიდობას და თავად სომხეთის რესპუბლიკას.ასევე უნდა აღვნიშნო, რომ სამმხრივი ომის პარტია განადგურებულია. ეს მნიშვნელოვანი, თუმცა არაა საბოლოო შედეგი, რადგან ვფიქრობ, ხალხმა მკაფიოდ გამოხატა თავისი ნება, რომ სამმხრივი ომის პარტია და მასთან დაკავშირებული კრიმინალურ-ოლიგარქიული სისტემა სომხეთის რესპუბლიკიდან უნდა აღმოიფხვრას და, რა თქმა უნდა, ეს იქნება პოლიტიკური უმრავლესობისა და მთავრობის ერთ-ერთი უმნიშვნელოვანესი ამოცანა, რომელიც დაუყოვნებლივ, გადამწყვეტი და მტკიცე ნაბიჯებით უნდა განვახორციელოთ.ასევე მინდა მივულოცო „სამოქალაქო შეთანხმების“ პარტიას გამარჯვება. პარტია „სამოქალაქო შეთანხმება“ საპარლამენტო უმრავლესობას მოიპოვებს და მთავრობას ჩამოაყალიბებს. უახლოეს თვეებში კი ამ თემაზე უფრო დეტალურად საუბრის შესაძლებლობა გვექნება,“ — განაცხადა ნიკოლ ფაშინიანმა.

 საბოლოო შედეგების მიხედვით, სომხეთის საპარლამენტო არჩევნებში ფაშინიანის პარტია "სამოქალაქო შეთანხმება" ხმათა 49.8%-ით გაიმარჯვა, ხოლო ბიზნესმენ სამველ კარაპეტიანის პრორუსული ალიანსი "ძლიერი სომხეთი" მეორე ადგილზე გავიდა, ხმების 23.3%-ით. დათვლილია ყველა უბანი.