სომხეთში საპარლამენტო არჩევნები მიმდინარეობს

სომხეთში საპარლამენტო არჩევნები მიმდინარეობს | საარჩევნო უბნები 08:00-ზე გაიხსნა და 20:00-ზე დაიხურება. სომხეთში დღეს საკანონმდებლო ორგანოს მეცხრე მოწვევის შემადგენლობა უნდა აირჩიონ. 107-მანდატიან პარლამენტში უმრავლესობის მოსაპოვებლად იბრძვის სომხეთის პრემიერმინისტრი ნიკოლ ფაშინიანი და მისი პარტია სამოქალაქო კონტრაქტი. სოციალური კვლევების მიხედვით, ფაშინიანის პარტიას მოსახლეობის 32%-იანი მხარდაჭერა აქვს. საპარლამენტო არჩევნებში 18 პოლიტიკური პარტია და ალიანსი იღებს მონაწილეობას, თუმცა სომხეთის პრემიერმინისტრის, ნიკოლ ფაშინიანის პარტიის მთავარი კონკურენტები პრორუსული პარტიები და ალიანსები არიან, მათგან ყველაზე გამორჩეული ფიგურა ძლიერი სომხეთის ერთ-ერთი წევრი, მილიარდერი სამველ კარაპეტიანია, რომელიც ხელისუფლების გადატრიალების მცდელობისთვის ამჟამად პატიმრობაში იმყოფება.

 სომხეთის საპარლამენტო არჩევნებში ასევე მონაწილეობენ: სომხეთის პრეზიდენტის რობერტ ქოჩარიანი და მისი პარტია სომხეთის ალიანსი და სომხეთის კეთილდღეობა, რომლის ლიდერია გაგიკ წარუკიანი

საპარლამენტო არჩევნებში ხმის მიცემის უფლება 2.5 მილიონამდე რეგისტრირებულ ამომრჩეველს აქვს პარალელურად, არჩევნებამდე 1 დღით ადრე სომხეთში საგამოძიებო კომიტეტმა ამომრჩევლის მოსყიდვის 100-ზე მეტი შემთხვევა გამოავლინა და 40-ზე მეტი ადამიანი დააკავა.

სომხეთში საპარლამენტო არჩევნები რუსეთთან დაძაბული ურთიერთობის ფონზე იმართება, რაც ქვეყნის ევროკავშირთან და ამერიკასთან დაახლოებამ გამოიწვია. სწორედ ამიტომ, რუსეთმა სომხეთში სასმელების, ყვავილებისა და ხილ-ბოსტნეულის ექსპორტი აკრძალა. ექსპორტის აკრძალვის შემდეგ, კი ევროკავშირმა სომხეთს 50 მილიონი ევროს დახმარება გამოუყო და მუდმივ მხარდაჭერას დაპირდა