ტრამპის მოკავშირე ჩარლი კირკი მოკლეს

კონსერვატიული ახალგაზრდული ორგანიზაციის „Turning Point USA“-ს ლიდერი და დონალდ ტრამპის მჭიდრო მოკავშირე ჩარლი კირკი სროლის შედეგად გარდაიცვალა. 

კირკი იუტაში Utah Valley University-ში გამართულ ღონისძიებაზე მაშინ დაჭრეს, როცა ის სტუდენტებს სიტყვით მიმართავდა.

“დიდი და ლეგენდარული ჩარლი კირკი გარდაიცვალა. ამერიკის შეერთებულ შტატებში ახალგაზრდების გული ჩარლიზე უკეთ არავის ესმოდა. ის ყველას უყვარდა და აღმერთებდა, განსაკუთრებით მე, და ახლა ის ჩვენთან აღარ არის. მელანიასა და ჩემი სამძიმარი მის მშვენიერ მეუღლეს, ერიკას და ოჯახს. ჩარლი, გვიყვარხარ!“ — დაწერა აშშ-ის პრეზიდენტმა დონალდ ტრამპმა.

ტრამპის განცხადებით, ჩარკი კირკის პატივსაცემად, კვირა საღამოს 18:00 საათამდე აშშ-ში ყველა დროშა ნახევრად დაშვებული იქნება.

კირკის მკვლელობაში ეჭვმიტანილის ძებნა ამ დრომდე გრძელდება.

იუტას საზოგადოებრივი უსაფრთხოების დეპარტამენტის განცხადებით, კირკის მკვლელობაში ეჭვმიტანილად მიჩნეული ორი პირი გაათავისუფლეს, რადგან, მათი თქმით „სროლასთან კავშირი არ ჰქონიათ“

“მიმდინარეობს გამოძიება და მსროლელის ძებნა“ — ნათქვამია განცხადებაში.

კონსერვატიული ახალგაზრდული ორგანიზაციის „Turning Point USA“-ს ლიდერსა და დონალდ ტრამპის ახლო მოკავშირე ჩარლი კირკის იუტაში, Utah Valley University-ში გამართულ ღონისძიებაზე მაშინ ესროლეს, როდესაც ის სტუდენტებს სიტყვით მიმართავდა.