უნგრეთის ახალი მთავრობა ორბანის ყოფილი კაბინეტის წევრებს კომპენსაციას არ გადაუხდის და ამ თანხას უკრაინაში მდებარე ბავშვთა თავშესაფარში ჩარიცხავს

უნგრეთის ახალი მთავრობა ვიქტორ ორბანის ყოფილი კაბინეტის წევრებს კომპენსაციას არ გადაუხდის, სანაცვლოდ ამ თანხას უკრაინაში მდებარე ბავშვთა თავშესაფარში ჩარიცხავს.

 პრემიერმინისტრმა პეტერ მადიარმა განაცხადა, რომ საკომპენსაციო ფონდი, რომელიც თითქმის 1 მილიარდ ფორინტს (3.22 მლნ აშშ დოლარი) შეადგენს, საქველმოქმედო დაწესებულებას ხელისუფლების ოფიციალური გადაბარების შემდეგ გადაერიცხება.TVP-ის 15 მაისის მონაცემებით, დაფინანსება შედგება ყოფილი მინისტრებისთვის გამოყოფილი 350 მილიონი ფორინტისაგან (1.13 მლნ აშშ დოლარი) და მათი მოადგილეებისთვის განკუთვნილი დამატებითი გადასახდელებისგან.

 უნგრეთის კანონმდებლობით, თანამდებობიდან წასულ მინისტრებსა და მათ მოადგილეებს აქვთ ფინანსური კომპენსაციის უფლება თანამდებობაზე გატარებული დროის პროპორციულად.

 "მოვუწოდებ მინისტრებს, რომლებმაც დაანგრიეს ჩვენი ქვეყანა და ვალებში ჩაფლეს, არც კი იფიქრონ ამ ფულის აღებაზე. იმ მდგომარეობის გათვალისწინებით, რომელშიც მათ ქვეყანა დატოვეს, ეს მცირედია, რაც შეუძლიათ გააკეთონ — არ აიღონ ათობით მილიონი ფორინტი კომპენსაციის სახით“ — განაცხადა მადიარმა.

 სახელმწიფო სახსრები განკუთვნილია თავშესაფრისთვის, რომელიც მდებარეობს უკრაინის სოფელში, სადაც უმეტესად ეთნიკური უნგრელები ცხოვრობენ. ამასთანავე, ახალმა ადმინისტრაციამ წინა მთავრობის საქმიანობის გამოძიება დააანონსა.