ზახაროვა დიპლომატებს კიევის დატოვებისკენ მოუწოდებს

რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ რუსეთის მიერ დაგეგმილი „გადაწყვეტილების მიღების ცენტრებზე საპასუხო დარტყმის“ წინ დიპლომატებს კიევის დატოვებისკენ მოუწოდა

 „რუსეთის საგარეო საქმეთა სამინისტრო მოუწოდებს თქვენი ქვეყნის ხელისუფლებას/თქვენი ორგანიზაციის ხელმძღვანელობას, მაქსიმალური პასუხისმგებლობით მოეკიდონ ამ განცხადებას და უზრუნველყონ დიპლომატიური და სხვა მისიების პერსონალის, ისევე როგორც [თქვენი] მოქალაქეების წინასწარი ევაკუაცია ქალაქ კიევიდან. ეს აუცილებელი იქნება კიევზე, მათ შორის გადაწყვეტილების მიღების ცენტრებზე, რუსეთის შეიარაღებული ძალების მიერ გარდაუვალი საპასუხო დარტყმის გამო იმ შემთხვევაში, თუ კიევის რეჟიმი განახორციელებს თავის დანაშაულებრივ ტერორისტულ განზრახვებს დიდ გამარჯვებასთან დაკავშირებულ დღეებში“ | მოუწოდებს ზახაროვა დიპლომატებს

 4 მაისს რუსეთის თავდაცვის სამინისტრომ 8-9 მაისისთვის "ცეცხლის შეწყვეტა" ცალმხრივად გამოაცხადა მას შემდეგ, რაც პრეზიდენტმა ვოლოდიმირ ზელენსკიმ განაცხადა, რომ მოსკოვში, წითელ მოედანზე გამარჯვების დღის აღლუმის დროს, შესაძლოა გამოჩენილიყო უკრაინული დრონები. ზელენსკიმ ამას ცეცხლის შეწყვეტის გამოცხადებით უპასუხა, რომელიც ძალაში 5-6 მაისის ღამის 00:00 საათიდან შევიდა, თუმცა რუსეთმა უკრაინის შეთავაზება უარყო და ბოლო საათების განმავლობაში ის უკრაინის ქალაქებს ინტენსიურად ბომბავს. ამას ზელენსკის პასუხი მოჰყვა, რომ უკრაინა ოკუპანტების ქმედებებს სარკისებურად უპასუხებს