„ამ წერილის და თორნიკე რიჟვაძის კავშირი არის დადასტურებული" - მათიკაშვილი

"დღემდე არსებული ინფორმაციით და არანაირი უფლება არა გვაქვს, რომ ამ ინფორმაციის სიმართლეში რაიმე ფორმით ეჭვი შევიტანოთ, წერილი ნაპოვნია იქ, სადაც თორნიკე რიჟვაძე უგონოდ იპოვეს - დღემდე ამ წერილის და თორნიკე რიჟვაძის კავშირი არის დადასტურებული" | თქვა მათიკაშვილმა ჟურნალისტებთან  გუშინ, სამთავრობო მედიამ გაავრცელა წერილი, რომელზეც თქვა, რომ ის აჭარის მთავრობის ყოფილმა თავმჯდომარემ, თორნიკე რიჟვაძემ სავარაუდო თვითმკვლელობის მცდელობამდე დაწერა. წერილში, სავარაუდოდ, რიჟვაძე, ივანიშვილსა და კობახიძეს მისი ოჯახის დაცვას სთხოვს და წერს, რომ მას კორუფციას და "ბარიგების" მფარველობას აბრალებდნენ. ასევე, წერილში ნათქვამია, რომ მისი ყველა თანამშრომელი და გარემოცვის წევრი უდანაშაულოა და ყველანი "მისი დავალებით მოქმედებდნენ". ასევე, სავარაუდოდ, რიჟვაძე, მადლიერებით და პოზიტიურად საუბრობს ალექსი ახვლედიანზე აჭარის მთავრობის ყოფილმა თავმჯდომარემ, თორნიკე რიჟვაძემ, 7 ივლისს, გამთენიას, საგარეჯოში, სავარაუდოდ, თვითმკვლელობა სცადა. ინციდენტის დროს ის მძლეოსნობის ფედერაციის ყოფილი პრეზიდენტის და ამჟამად საზღვაო ტრანსპორტის სააგენტოს ხელმძღვანელის, ალექსი ახვლედიანის სახლში იმყოფებოდა. მოგვიანებით, ცნობილი გახდა, რომ ახვლედიანი იარაღის დაუდევრად შენახვის ბრალდებით დააკავეს. რიჟვაძე თავდაპირველად საგარეჯოს ჯეოჰოსპიტალსში, მოგვიანებით კი თბილისში, პირველ საუნივერსიტეტო კლინიკაში გადაიყვანეს. ექიმების ცნობით, მას ერთი ჭრილობა აქვს და ფილტვი აქვს დაზიანებული. მისი მდგომარეობა ამ დრომდე სტაბილურად მძიმეა და ის მართვით სუნთქვაზე იმყოფება