„ანუ განსაკუთრებულ მოვლას არ საჭიროებთ“ - მოსამართლე ბარბაქაძე 72 წლის დაკავებულს, რომელმაც სხდომაზე თქვა, რომ კიბო აქვს

ამ წუთებში, 72 წლის კაცი, რომელიც სასახლის ღობის საქმის ფარგლებშიაა დაკავებული სასამართლოს უხსნის, როგორი მძიმე დიაგნოზითაა დაავადებული და როგორ უმკლავდება ტკივილებს.

ზაქრო ალუთაშვილმა მოსამართლე ეკა ბარბაქაძეს უთხრა, რომ მარჯვენა თირკმელის კიბო აქვს - "2011 წელს მარჯვენა თირკმელის კიბო დამიდგინდა, მარცხენასაც პრობლემა აქვს, ტკივილებს ვუძლებ"

ეკა ბარბაქაძე დაინტერესდა, ახლა როგორი ჯანმრთელობის მდგომარეობა აქვს? შემდგომ ბრალდებულის ნათქვამი დააციტირა: „ანუ განსაკუთრებულ მოვლას არ საჭიროებთ“.

მანამდე კი ბრალდებულმა პენსიონერმა სასმართლსო მოუყვა, როგორ მოხდა 4 ოქტომბრის აქციაზე, უამბო, რომ რუსთაველის 37-ში დაცვის სამსახურის თანამშრომელია და სულ იქ უწევს ყოფნა.

ალუთაშვილის თქმით, როცა 4 ოქტომბერს სიტუაცია დაიძაბა, გდდ-ს თანამშრომლებთან ხელებაწეული მივიდა, ხალხს ქვები დააყრევინა და სიტუაციის განეიტრალებას ცდილობდა -"გდდ-ს უფროსი მოვიდა, მხარზე ხელი დამადო და კარგით ბატონო ზაქრო, მიბრძანიდთ მადლობათო, ეს იყო ჩემი ქმედება“.

„4 ოქტომბერს მე ვასრულებდი სამსახურებრივ მოვალეობას... ჩემი სამსახური არის რუსთაველის 37-ში და ვარ დაცვის სამსახურის თანამშრომელი. ყოველთვის როცა იქ იკრიბებოდა საზოგადოება და მიტინგი იმართებოდა, დამატებით ხდებოდა ჩვენი გამოცხადება და შიდა პერიმეტრის გარდა, გარე პერიმეტრს ვიცავდი,... ვიცავდით სახელმწიფო და კერძო საკუთრებას, რომ მაგალითად ხანძარი არ გაჩენილიყო, ამას ვამოწმებდი....მე მქონდა მომიტინგებთან ურთიერთობა, მაგრამ მხარე და მომხრე არასდროს... როცა ხმა მესმოდა და ჩავედი, მენახა რა ხდებოდა.
ქვების აყრა რომ დაიწყეს, ვფიქრობ რა გავაკეთო, მაყურებლის როლი ვითამაშო, რა გავაკეთო, მეორე მეც გავაკეთო, მესამე ხალხისთვის მეთქვა, რომ ეს არის უმსგავსობა და მეთქვა ხალხისთვის...
ყოფილი სამხედრო ვარ და ქმედებას რა მოსდევს ესაა მთავარი, გასაგებია ქმედება, მაგრამ რა მოჰყვება ამ ქმედებას? ავდექი და პირდაპირ მივედი და შევედი, წარმოჩენილი იქნება კადრები, გდდ-ს თანამშრომლებთან ხელებაწეული მივედი, გადავსახე ჯვარი, მე ვუთხარი ჩემო კარგებო, ხალხს მივმართავ, არ შეიძლება, ეს არ არის არც კონსტიტუციური არც იურიდიული... ხალხს ქვები დავაყრევინე. გდდ-ს უფროსი მოვიდა, მხარზე ხელი დამადო და კარგით ბატონო ზაქრო, მიბრძანიდთ მადლობათო, ეს იყო ჩემი ქმედება“.- განაცხადა ბრალდებულმა (რადიო თავისუფლების მიხედვით)
მანამდე ზაქრო ალუთაშვილის ადვოკატმა ისაუბრა მისი დაცვის ქვეშ მყოფის ჯანმრთელობის მდგომარეობაზე, მოსამართლეს უთხრა, რომ კიბოთი დაავადებული კაცი ოჯახის ერთადერთი მარჩენალია.

ადვოკატმა ფორმა 100 მოსამართლეს და პროკურორს გადასცა.

უფლებადამცველმა პენსიონერის გათავსიუფლების სანაცვლოდ 3500 ლარიანი გირაოს შუამდგომლობა დააყენა.

შეგახსენებთ, 4 ოქტომბრის აქციის ფარგლებში განვითარებულ მოვლენებთან დაკავშირებით, ამ ეტაპისთვის , შსს-ს ჯამში 46 პირი ჰყავს დაკავებული. ბრალდებულებს ჯგუფურად ჩადენილ, სტრატეგიული და განსაკუთრებული მნიშვნელობის ობიექტის ხელში ჩაგდების მცდელობას და ჯგუფურ ძალადობაში მონაწილეობას ედავებიან.

ია დარახველიძის, ამირან დოლიშვილის, ირაკლი ჩხვირკვიას, ავთანდილ სურმანიძის, ზაქრო ალბუთაშვილის, ხვიჩა გოგოხიას, რამაზ მამულაძის, გიორგი ქორქიას აღკვეთის ღონისძიებაზე მოსამართლე ეკა ბარბაქაძე მსჯელობს.