„ასლანი გაიქცა“ - აჭარის რევოლუციიდან 22 წელი გავიდა

ასლანი გაიქცა, აჭარა თავისუფალია - მიხეილ სააკაშვილის ეს სიტყვები ისტორიაში 18 წლის წინ  შევიდა.  ცენტრალურ და ავტონომიურ ხელისუფლებებს შორის დაპირისპირებები, აბაშიძის რეგიონიდან იძულებით წასვლით დასრულდა. რევოლუციური სამზადისი აჭარაში 2003 წლის ოქტომბერში დაიწყო.  

ასლან აბაშიძე, რომელიც 13 წლის განმავლობაში ერთპიროვნულად მართავდა აჭარას, გაემგზავრა მას შემდეგ, რაც ბათუმში რუსეთის ეროვნული უშიშროების საბჭოს მდივანთან იგორ ივანოვთან გამართა მოლაპარაკებები.

 მაშინ პრეზიდენტმა მიხეილ სააკაშვილმა განაცხადა, რომ აბაშიძის გადადგომა „საქართველოს აღმშენებლობის საწინდარია.“ 

 ისევე, როგორც თბილისში გასული ნოემბრის „ვარდების რევოლუციის“ მსგავსად, ინფორმაციამ აბაშიძის გადადგომის შესახებ ბათუმის ქუჩებში დიდი საზეიმო განწყობა გამოიწვია.

„თქვენ ხართ გმირები,“ - ასე მიმართა მიხეილ სააკაშვილმა ბათუმში, აბაშიძის ყოფილი რეზიდენციის ფანჯრიდან, იქ შეკრებილ მოსახლეობას.

ბათუმის საპროტესტო აქციის მონაწილენი, რომელთაც პრემიერ-მინისტრი ზურაბ ჟვანია და მთავრობის სხვა წევრებიც ახლდნენ, აბაშიძის რეზიდენციისკენ დაიძრნენ, რომელიც ასლან აბაშიძის სპეცრაზმმა უკვე მიტოვებული ჰქონდა.
 
აბაშიძეს წასვლის წინ კომენტარი არ გაუკეთებია. თუმცა, იგორ ივანოვთან მოლაპარაკებების შემდეგ თავისი რეზიდენციის წინ შეკრებილ ასამდე მხარდამჭერებს მიმართა დაშლილიყვნენ. „დაიშალეთ, წადით სახლებში“, - განუცხადა მან მხარდამჭერებს. ეს იყო მისი ბოლო საჯარა გამოსვლა აჭარის ავტონომიური რესპუბლიკის მეთაურის პოსტზე.
 
არსებული ინფორმაციით, აბაშიძე რუსეთში თავის ოჯახის წევრებთან და მისი მთავრობის რამდენიმე მაღალი რანგის წარმომადგენელთან ერთად გაემგზავრა, რომლებიც ბოლომდე მისი ერთგულნი დარჩნენ.
 
ყოველივე ამას წინ უძღოდა პრეზიდენტ სააკაშვილის მიერ 5 მაის გაკეთებული განცხადება და ბათუმში რუსეთის უშიშროების საბჭოს მდივნის სერგეი ივანოვის ჩასვლა.

5 მაისს პრეზიდენტმა სააკაშვილმა განაცხადა, „აბაშიძის რეჟიმის საათები დათვლილია“.