“დილა მშვიდობისა საქართველო, უკვე საქართველოდან 8 წლის შემდეგ“ - 1 წელი მიხეილ სააკაშვილის პატიმრობიდან

პოლიტიკა 1664579580    840

სააკაშვილის ერთი წელი

ერთი წლის, პირველ ოქტომბერს, დილას, საქართველოს მესამე პრეზიდენტმა საზოგადოებას ფეისბუქით ამცნო  - “დილა მშვიდობისა საქართველო. უკვე საქართველოდან 8 წლის შემდეგ” .

მოგვიანებით, მან ვიდეომიმართვაც გაავრცელა უკვე ბათუმიდან.

მიუხედავად ამისა, საქართველოს ხელისუფლების პირველი პირები მთელი დღის განმავლობაში დაჟინებით ამტკიცებდნენ, რომ მიხეილ სააკაშვილი ქვეყანაში არ იყო და ვერ შემოვიდოდა, რადგან მას საზღვარზე დააკავებდნენ. მამუკა მდინარაძე იმასაც ირწმუნებოდა, რომ მესამე პრეზიდენტი კურორტ ტრუსკავეცში იყო.

პირველი ოქტომბრის დილით გავრცელებულ განცხადებაში შსს ამტკიცებდა, რომ სააკაშვილს საზღვარი არ ჰქონდა გადმოკვეთილი.

მხოლოდ დღის ბოლოს,  შს მინისტრ გომელაურთან და სუს-ის უფროს ლილუაშვილთან ერთად, ბრიფინგზე გამოსულმა ღარიბაშვილმა ერს ჯერ ბიძინაობა მიულოცა, შემდეგ კი  დაადასტურა, რომ მიხეილ სააკაშვილი საქართველოში იყო.

მესამე პრეზიდენტი თბილისში დააკავეს.

მოგვიანებით, მის წინააღმდეგ "ოცნების" ხელისუფლებამ საზღვრის უკანონო კვეთის ბრალდებით საქმე აღძრა. ასევე, დააპატიმრეს ყველა, ვინც მას ქვეყანაში შემოსვლაში დაეხმარა. 20 იანვარს კი თბილისის საქალაქო სასამართლომ ბრალდებულები გიორგი ნარიმანიძე, ელგუჯა ცომაია, ზურაბ და შალვა წოწორიები 5000-5000-ლარიანი გირაოს სანაცვლოდ გაათავისუფლა.

მიხეილ სააკაშვილი დაკავების შემდეგ, რუსთავის მე-12 სასჯელაღსრულების დაწესებულებაში გადაიყვანეს, სადაც მან იმავე საღამოს პოლიტიკური გადაწყვეტილება მიიღო და შიმშილობა გამოაცხადა, რომელიც 50 დღეს გაგრძელდა.

ჯანმრთელობის მდგომარეობის გაუარესება დაახლოებით 2 კვირაში დაიწყო. თანმდევი დაავადებების ფონზე, მას ნელ-ნელა გაუჭირდა გადაადგილება.

მესამე პრეზიდენტის ექიმების, თანაპარტიელების, სხვა ოპოზიციონერებისა და საზოგადოების წარმომადგენლების მოთხოვნის მიუხედავად, "ქართული ოცნების" ხელისუფლება მის სამედიცინო დაწესებულებაში გადაყვანას არ ჩქარობდა. ხელისუფლების პირველი პირები ამტკიცებდნენ, რომ ის არ შიმშილობდა და "ფაფებით იკვებებოდა". იუსტიციის სამინისტრომ რუსთავის ციხის სამედიცინო ნაწილში გადაღებული ვიდეოკადრებიც კი გამოაქვეყნა საკუთარი განცხადებების მტკიცებად.

მიხეილ სააკაშვილი, შიმშილობის 39-ე დღეს, 8 ნოემბერს გლდანის ციხის საავადმყოფოში, ძალადობრივად გადაიყვანეს. ფაქტის ამსახველი ვიდეოკადრები პენიტენციურმა თავადვე გაავრცელა. კადრებში ჩანს, ბადრაგებისა და ესკორტის თანამშრომლების მხრიდან მიხეილ სააკაშვილის მიმართ არაადამიანური მოპყრობა. მესამე პრეზიდენტი, მისი ადვოკატები და მხარდამჭერები მე-18 დაწესებულებაში გადაყვანას აპროტესტებდნენ.

მიხეილ სააკაშვილის მდგომარეობა გლდანში კიდევ უფრო დამძიმდა. შიმშილობას თან დაერთო მუდმივი ფსიქოლოგიური ზეწოლა. სავარაუდოდ, ციხის ხელმძღვანელობის მხრიდან წახალისებული პატიმრები მუდმივად ე.წ. შუმოკის რეჟიმში იყვნენ.

მდგომარეობა განსაკუთრებულად დამძიმდა 18 ნოემბრის საღამოს. მესამე პრეზიდენტმა შიმშილობის 49-ე დღეს, ადვოკატების თანდასწრებით გონება დაკარგა.

ამის შემდეგ, ხელისუფლება იძულებული გახდა ის გორის სამხედრო ჰოსპიტალში გადაეყვანა. მიხეილ სააკაშვილი მისივე აშენებულ სამედიცინო დაწესებულებაში შიმშილობის 50-ე დღეს, 20 ნოემბრის გვიან ღამით გადაიყვანეს. მესამე პრეზიდენტმა შიმშილობა შეწყვიტა.

პარალელურად, სოლიდარობის ნიშნად შიმშილობდნენ ენმ-ს წევრები, სამოქალაქო აქტივისტები. პარლამენტის შენობაში 17 დღე იშიმშილა ელენე ხოშტარიამ. ისინი მიხეილ სააკაშვილის გლდანიდან გადაყვანას და მისთვის სრულყოფილ სამედიცინო დახმარებას მოითხოვდნენ.

30 დეკემბერს, სააკაშვილი ისევ რუსთავის ციხეში დააბრუნეს იმის მიუხედავად, რომ მისი ჯანმრთელობის მდგომარეობა ექიმების ინფორმაციით, არ უმჯობესდებოდა. მედიკოსები მუდმივად საუბრობდნენ და ახლაც საუბრობენ, რომ მესამე პრეზიდენტს საზღვარგარეთ, მულტიპროფილურ კლინიკაში მკურნალობა ესაჭიროება.

ჯანმრთელობის მდგომარეობის შესწავლაში პირადი ექიმების გარდა ჩართულია ცენტრი "ემპათია". კონსილიუმი შექმნა სახალხო დამცველმაც, რომლის დასკვნაც 19 იანვარს გასაჯაროვდა.

მიხეილ სააკაშვილმა 21 თებერვალს ისევ შიმშილობა დაიწყო. მან ამის შესახებ მისივე სასამართლო სხდომაზე გააკეთა განცხადება.

რიგით მეორე შიმშილობა 20 დღე გაგრძელდა. 10 მარტს, უკრაინაში მებრძოლი ქართველი მეომრების თხოვნით, მესამე პრეზიდენტმა პროტესტის უკიდურესი ფორმის შეწყვეტის გადაწყვეტილება მიიღო.

მესამე პრეზიდენტის მხარდასაჭერად აქციები იმართებოდა როგორც რუსთავის, ისე გლდანის დაწესებულებებთან, ასევე გორის ჰოსპიტალთან.

მაისში, მესამე პრეზიდენტი კლინიკა ვივა მედში გადაიყვანეს, სადაც დღემდე იმყოფება.

მისი მდგომარეობა ისევ მძიმეა. ექსპერტიზაში უცხოელი სპეციალისტებიც არიან ჩართული. ადვოკატები მისთვის სასჯელის გადავადებასა და საზღვარგარეთ ჰუმანიტარული მისიით გადაყვანას ითხოვენ, თუმცა ხელისუფლება უარზეა და ამტკიცებს, რომ მიხეილ სააკაშვილს ყველა საჭირო სამედიცინო დახმარება უტარდება.

პოლონეთი მზადყოფნას გამოთქვამს მის მისაღებად და სამკურნალოდ. პოლონეთის სეიმის ვიცე-სპიკერი, მალგოჟატა გოშევსკა, რომელმაც ეს განცხადება გააკეთა, მიხეილ სააკაშვილთან არ შეუშვეს.

მესამე პრეზიდენტის მონახულების უფლება ორჯერ არ მისცეს ევროპარლამენტარ ანა ფოტიგას. 

თითქმის სამი თვეა მიხეილ სააკაშვილის ჯანმრთელობის მდგომარეობას ექიმები სწავლობენ. სპეციალისტების თქმით, მისი მდგომარეობა ამ დრომდე მძიმეა, რაც ნიშნავს, რომ პაციენტის მონახულება მომდევნო დღეებშიც იქნება საჭირო.

ექსპერტიზის პროცესში ჩაერთო ახალი სპეციალობის ექიმი. საუბარია გასტროენტეროლოგზე, ქართველი ექიმი, შესაბამისი ლიცენზიით. ამასთან, ორშაბათს ალტერნატიულ კომისიაში ელოდებიან ნევროლოგს აშშ-დან, რომელზეც ლიცენზია ჯანდაცვის სამინისტროს უკვე დაშვებული აქვს.

ცნობისთვის, ექსპერტიზის საბოლოო დასკვნის შემდეგ გაირკვევა გადაიყვანენ თუ არა მიხეილ სააკაშვილს ევროპის სპეციალიზებულ კლინიკაში სამკურნალოდ. 

მასალის გამოყენების პირობები
სხვა სიახლეები
სამედიცინო სერვისი
REDMED-ის სამედიცინო სერვისები

REDMED- ი პირველი სამედიცინო სერვისების პლატფორმაა საქართველოში, რომელიც მარტივად გვაკავშირებს სასურველ ექიმს, ჩვენთვის სასურველ დროსა და ადგილას. ის აერთიანებს 20-ზე მეტი სპეციალობის 300-მდე ექიმს სა...

ჯანმრთელობა 1670223631

პაპუაშვილი
„რუსეთის აგრესიულმა ომმა უკრაინის წინააღმდეგ 33 ქართველი იმსხვერპლა“ - შალვა პაპუაშვილის სამძიმარი

მინდა მივუსამძიმრო დაღუპულების ოჯახებს, მათ ახლობლებსა და მთლიანად საქართველოს,- ამის შესახებ პარლამენტის თავმჯდომარემ, შალვა პაპუაშვილმა ნიდერლანდებში ვიზიტისას ჟურნალისტებთან განაცხადა. „ბოლო რამდენ...

პოლიტიკა 1670222803

ლენუკა
„ისე შეე@ით ჩემ ძმას, რომ აღარ იცოდა, რა ფორმით გამოეხატა ემოცია“ - ლენუკა ყიფშიძე

ზურა ყიფშიძის შვილი ლენუკა ყიფშიძე იმასთან დაკავშირებით აკეთებს კომენტარს, რაც მისმა ძმამ დაწერა რამდენიმე კვირის წინ, რომ თითქოს და ავად იყო და მაგიტომ გამოიყურებოდა ასე ცუდათ. ხალხი უკემენტარებდა, რ...

სოცმედია 1670221149

სალომე ზურაბიშვილი
სალომე ზურაბიშვილი დღეს ანჯეი დუდას შეხვდება

პრეზიდენტი სალომე ზურაბიშვილი დღეს, 5 დეკემბერს პოლონეთის პრეზიდენტს, ანჯეი დუდას შეხვდება. პრეზიდენტის ადმინისტრაციის პრესსამსახურის ცნობით,  ვარშავაში ორი ქვეყნის ლიდერის შეხვედრის შემდეგ მედიისთვის...

პოლიტიკა 1670221035

პოლიტიკოსი
დამძიმდა თუ არა მიხეილ სააკაშვილის მდგომარეობა და რატომ დუმს მკურნალი ექიმი

საქართველოს მესამე პრეზიდენტის, მიხეილ სააკაშვილის მკურნალი ექიმი კლინიკა "ვივა მედში" ჟურნალისტების კითხვებს არ პასუხობს.   მედიის წარმომადგენლებს მისგან სურდათ პასუხი კითხვაზე დამძიმებულია თუ არა მე...

პოლიტიკა 1670220968

დავით ზურაბიშვილი
„ბიძინას რა მოტივაცია აქვს და რატომ იძლევა ასეთ არაადეკვატურ ბრძანებებს, წარმოდგენა არა მაქვს“ - დავით ზურაბიშვილი

პოლიტიკოსი დავით ზურაბიშვილი სოცქსელში წერს: „ის ფაქტი, რომ მთელმა ხელისუფლებამ დემონსტრაციულად პირში წყალი ჩაიგუბა და ორი დღეა სამძიმარის მაგვარიც არ დაცდენიათ უკრაინაში რუს ოკუპანტებთან მებრძოლი ქარ...

სოცმედია 1670220891