„ენმ-ში გაიმარჯვა წარსულმა... სტრატეგიული თანამშრომლობის წინაპირეობებს ნამდვილად არ ვხედავ“ - ანა ნაცვლიშვილი

„ჩემი შეფასებით, მგონია, რომ „ნაციონალურ მოძრაობაში“ გაიმარჯვა წარსულმა და არა მომავალმა, მომავლის ხედვებმა“, – ამის შესახებ პარტია „ლელოს“ წევრმა, ანა ნაცვლიშვილმა განაცხადა, რითაც იგი ენმ-ში პარტიის თავმჯდომარეობისთვის ჩატარებულ არჩევნებს გამოეხმაურა. 

„ამ გადაწყვეტილებაზე „ლელო“, ჩვენს პოზიციას ჩამოვაყალიბებთ როგორ ვხედავთ სამომავლოდ ურთიერთობას თუ პარტნიორობას.  ჩემი შეფასებით, სამწუხაროდ მგონია, რომ „ნაციონალურ მოძრაობაში“ გაიმარჯვა წარსულმა და არა მომავალმა და მომავლის ხედვებმა. ამიტომ „ლელო“ ორიენტირებულია მომავალზე, საქართველოს მომავალზე, დასავლურ მომავალზე, უსაფრთხო მომავალზე და შესაბამისად, ჩვენ გავაგრძელებთ მომავლისკენ სვლას.პარტია, რომელიც შედეგებით აჩვენებს, რომ წარსულში ბრუნდება, ჩვენ მასთან თანამშრომლობის მიზანს ვერ ვხედავთ. რაც შეეხება მომავალში როგორ განვითარდება პროცესები, თუ დავინახავთ, რომ რაიმე რადიკალური ცვლილება არის და მომავალზე ორიენტირება არის, საუბრით ყველასთან ვსაუბრობთ, მაგრამ სტრატეგიულ პარტნიორობას პარტიაში, სადაც წარსულმა და წარსულის მეთოდებმა, რომელიც არც მაშინ მომწონდა და არც ახლა მომწონს ამ ხელისუფლების პირობებში, აი ამ მეთოდებმა გაიმარჯვა, სტრატეგიული თანამშრომლობის წინაპირეობებსა და რესურსებს ახლა ნამდვილად არ ვხედავ.“ – განაცხადა ანა ნაცვლიშვილმა.