„ეს ადამიანია გიორგი გურეშიძე...“ - გიორგი ახობაძემ სასამართლოზე ის პოლიციელი დაასახელა, რომელიც მისთვის ნარკოტიკის "ჩადების სპეცოპერაციას ხელმძღვანელობდა"

საპროტესტო აქციაზე დაკავებულმა გიორგი ახობაძემ სასამართლო სხდომაზე ის პოლიციელი დაასახელა, რომელიც, მისი თქმით, მისთვის ნარკოტიკის "ჩადების სპეცოპერაციას ხელმძღვანელობდა"  "...რაც შეეხება ჩადებას, ეს პიროვნება, რომელიც სახეზე მახსოვდა, მე არ ვიცოდი, ეს ვინ იყო, რა სახელი და გვარი ჰქონდა, ვიცოდი სად მუშაობდა და რომელი ოთახი იყო მისი იმიტომ რომ რომ მიმიყვანეს განყოფილებაში, დავინახე სადაც იჯდა. კარი ღია ჰქონდა დატოვებული და იცინოდა, გახარებული იყო, რომ ეს სპეცოპერაცია წარმატებით ჩაატარა. ამ ოპერაციას ხელმძღვანელობდა და პირველი ფიზიკური კონტაქტი ჩემთან შედგა გიორგი გურეშიძის. გიორგი გურეშიძე რომ იყო გავიგე იქიდან, რომ ასე ამოსაცნობად, სამმართველოს უფროსების ფოტოები მაქვს და ერთ-ერთი აღმოჩნდა ეს, ბატონი გიორგი გურეშიძე. აი ეს, რომელსაც მათ შორის, რასაც "გამოძიება" მალავს, იმ მომენტში, როცა მე მასთან საპროტესტო საუბარში ვიყავი, რომ „რას აკეთებთ", მის ტელეფონზე შემოვიდა ზარი, ამოვიკითხე სახელი და გვარი, რომელიც არაფერს მეუბნებოდა გუშინდელ დღემდე, როცა საკადრო ცვლილებები მოხდა, ლევან მაისურაძე. ლევან მაისურაძის ზარი იყო შემოსული გურეშიძის ტელეფონზე, როგორც ჩანს, მან გადაამოწმა მის დაქვემდებარებაში მყოფებმა ეფექტიანად შეასრულეს თუ არა დავალება, რაც მიცემული ჰქონდა. მისი სატელეფონო ზარი გურეშიძესთან შედგა ჩემ თვალწინ" | თქვა გიორგი ახობაძემ სასამართლო პროცესზე  პუბლიკა