გახარიამ "ოცნებას" ამომრჩევლის 12 % წაართვა

საერთაშორისო კვლევითი ორგანიზაცია Edison Research-ის მიერ, ტელეკომპანია "ფორმულას" დაკვეთილი კვლევის შედეგების მიხედვით 2021 წლის ადგილობრივი თვითმმართველობის არჩევნებზე, მოსახლეობის უპრეცედენტო აქტივობაა მოსალოდნელი.

კითხვაზე, რამდენად სავარაუდოა, რომ მონაწილეობას მიიღებთ 2021 წლის თვითმმართველობის არჩევნებზე, გამოკითხულთა 76 % აპირებს, რომ. მივიდეს არჩევნებზე.

ამავე კვლევის შედეგების მიხედვით ვგებულობთ იმასაც, რომ ყოფილი პრემიერის გიორგი გახარიას მიერ შექმნილმა პარტიამ "საქართველოსთვის", "ქართულ ოცნებას" ძირითადი ელექტორატის 12% წაართვა.

როგორია იმ ამომრჩეველთა დამოკიდებულება, მმართველი პარტიისა და ყველაზე მსხვილი ოპოზიციური პარტის "ნაციონალური მოძრაობის" მიმართ, რომლებმაც მათ 2020 წლის საპარლამენტო არჩევნებში მხარი დაუჭირეს, ყოფილი პრემიერის გიორგი გახარიას ახლადდაარსებული პარტია "საქართველოს მისამართით" კვლევის შედეგები ამ შემთხვევაში ასე ნაწილდება. 

"ქართული ოცნების" სტაბილური ამომრჩევლისგან 74% ხმას ამჯერადაც მმართველ პარტიას აძლევს, ხოლო 12% პარტიას "საქართველოსთვის".

რაც შეეხება "ნაციონალურ მოძრაობას" მისი ამომრჩევლის 88 % კვლავ აპირებს, რომ 2021 წლის არჩევნებზეც იმავე არჩევანს გააკეთებს რაც 2020 წელს გააკეთა, ხოლო 2% მხარს პარტიას "საქართველოსთვის" დაუჭერს.

ცნობისთვის, კვლევის ცდომილების ფარგლები +/-3%-ს წარმოადგენს, 95%-იანი სანდოობის ფარგლებში