გახარიას ამომრჩეველმა შესაძლოა "ნაციონალურ მოძრაობას" მხარი დაუჭიროს

"კვლევა ამბობს, რომ ხელისუფლების პოზიციები განიცდის დეგრადაციას"- ასეთია პოლიტოლოგ გია ხუხაშვილის შეფასება Edison Risearch-ის მიერ გამოქვეყნებულ პოლიტიკური პარტიების კვლევების შედეგებთნ დაკავშირებით, რის შესახებაც მან "ფორმულას" ეთერში განაცხადა.

ხუხაშვილის თქმით, მას შემდეგ რაც სუს-დან საიდუმლო მასალებმა გამოჟონა და მმართველი გუნდი ძალიან დიდ და უპრეცედენტო პოლიტიკურ სკანდალში გაეხვა, ოპოზიციას მეტის გაკეთება შეეძლო იმისთვის, რომ.საკუთარი პოზიციები კიდევ უფრო გაემყარებინა, თუმცა მათ საკმაოზე მეტი შეცდომა დაუშვეს.

"მე მეტს ველოდი, მაგრამ "ოცნებამ" მოახერხა ბოლო დროს სტაბილიზაცია, რაც ოპოზიციის ფატალური შეცდომების დამსახურებაა. მთელი ოპოზიციის, სამოქალაქო საზოგადოების და კრიტიკული მედიის თემა ეს უნდა ყოფილიყო, მაგრამ ოცნებამ შემოაგდო სხვა თემა და მოახერხა სიტუაციის განმუხტვა მეტ-ნაკლებად. ასეთი სკანდალი იშვიათად ხდება, მაგრამ ოპოზიციამ გამოავლინა სისუსტე";- განაცხადა ხუხაშვილმა.

მისივე თქმით, ქვეყანაში არსებულ პოლიტიკურ ვითარებას ყოველთვის დედაქალაქი განსაზღვრავს, ამიტომაც აუცილებელია, რომ ყველაზე მეტი ძალისხმევა ახლა თბილისისკენ იყოს მიმართული. 

"მომავალ პოლიტიკურ პროცესს განსაზღვრავს ის, თუ რა მოხდება თბილისში და აქ უნდა მოხდეს მობილიზება. თუ ოპოზიცია მოახერხებს თბილისში სერიოზული ორი ტურის გამართვას, საპარლამენტო არჩევნებზე მოხდება ის, როგორც უნდა წავიდეს ქვეყანა", - განაცხადა ხუხაშვილმა.

ხუხაშვილის შეფასებით, მეორე ტურის გამართვის შემთხვევაში მელიას, გახარია ამომრჩეველთა მხარდაჭერის იმედი უნდა ქონდეს.

"გახარიას ელექტორატი რადგანაც ორიენტირებულია მასზე და ნაციონალურ მოძრაობას" არ გადაუკვეთია გახარიას მისამართით წითელი ხაზები, ამ ფაქტორმა შეიძლწბა ეს ელექტორატი გადახაროს უფრო მელიასკენ. გახარიას არ ყავს ფანატები ,, ნაციონალურო მოძრაობის" და,, ოცნებისგან" განსხვავებით ამ მხრივაც შეიძლება მან მიიღოს გახარიას მხარდაჭერთა ხმები",-განაცხადა ხუხაშვილმა.