„იმედის“ დახურვის გადაწყვეტილება ბოლო-ბოლო ბადრი პატარკაციშვილმა“ – ირაკლი რუხაძე

ბადრი პატარკაციშვილს, რამდენადაც ვიცი, არ ჰქონია კონტაქტი არავისთან, – განაცხადა „იმედის“ მფლობელმა ირაკლი რუხაძემ, ალუდა ღუდუშაურის კითხვაზე, „იმედის“ გარშემო განვითარებულ მოვლენებთან დაკავშირებით იმდროინდელი ხელისუფლების წარმომადგენლებიდან ვინმეს თუ გამოუთქვამს სინანული და ვინმესთან თუ იყო შემდეგ წლებში კონტაქტი? – „მე ძალიან გაბრაზებული ვიყავი, რაც მოხდა და არ მინდოდა „იმედის“ დახურვა. „იმედის“ დახურვის გადაწყვეტილება ბოლო-ბოლო ბადრიმ [პატარკაციშვილმა] მიიღო. ბადრი ფაქტობრივად, ცხოვრებიდან გავიდა იმ მომენტში. გარდაცვალებამდე რამდენიმე დღით ადრე დაიწყო შემობრუნება, არავის ელაპარაკებოდა, დადიოდა თავის ტყეებში, ეწეოდა სიგარეტს და არ ჭამდა. არაფერი კონტაქტი არ ჰქონია და ძალიან გაბრაზებული იყო ამ ყველაფერზე. მე მინდოდა „იმედის“ არდახურვა და ყველას გაყრა იქიდან, ვინც გააკეთა ის განცხადება. ეს იყო ჩემი აზრი. ბადრი ვერ დავითანხმე, საერთოდ, ვეღარც ველაპარაკებოდი წესიერად ამ ყველაფრის მერე. მე არაფერი კონტაქტი არ მქონია გიორგი თარგამაძესთან გარდა იმისა, რომ რამდენჯერმე ელჩების შეხვედრებზე სხვადასხვა ტელევიზია მოჰყავთ ხოლმე და „იმედიდან“ მე დავდივარ, იქ ყოფილა [თარგამაძე], ერთი-ორჯერ მყავს ნანახი ამ შეხვედრებზე, როგორც ოპოზიციონერი, „ფორმულის“ წარმომადგენელი…”

სოზარ სუბარმა ჰკითხა, იცის თუ არა ვინ გათიშა „იმედში“ შეჭრის დღეს კამერები ტელეკომპანიაში?რუხაძე: „ეს არ ვიცი [ვინ გათიშა კამერები]. მე მქონდა თხოვნა, რომ კამერები გარეთ გაეტანათ, რომ რაც შეიძლება დიდი ხანი ყოფილიყო ეთერში დარბევის კადრები. დარწმუნებული ვიყავი, რომ შემოვიდოდნენ. ძალიან ცოტა გვაქვს კადრები გადაღებული. წარმოუდგენლად მოიქცნენ ჟურნალისტები. ამიტომ ვთქვი, რომ ორად უნდა გავყოთ „იმედის“ წართმევა. პირველად სხვანაირად გააკეთეს, ეგონათ, რომ ძალით გადაგვივლიდნენ და ამით დამთავრდებოდა და რომ არ დამთავრდა, მერე შიგნიდან გააჩინეს ბზარი. ეს შიგნიდან გაჩენილი ბზარიც ძალიან მცირე ნაწილს შეეხო…”