"მზად ვართ, შევიდეთ უთანასწორო ბრძოლაში" - ბადრი ჯაფარიძის წერილი ციხიდან

პოლიტიკური პატიმრების რიცხვის ზრდა და ოპოზიციური ლიდერების დაჭერა „ქართული ოცნების“ მხრიდან მიზნად ისახავს მოქალაქეებში უიმედობის გაჩენას და ერთპარტიული მმართველობის გაღრმავებას - ამის შესახებ კოალიცია "ძლიერი საქართველოს" ლიდერი ბადრი ჯაფარიძე საპატიმროდან წერს.

ოპოზიციონერი ლიდერი მიიჩნევს, რომ ამ ფონზე "ძლიერი საქართველოს" განცხადება, რომ მუნიციპალურ არჩევნებში მონაწილეობის მიღებას გეგმავს, სწორი და გაბედული ნაბიჯია.

ჩვენ მზად ვართ, შევიდეთ უთანასწორო ბრძოლაში მათი უფლებების დასაცავად, - აღნიშნავს ჯაფარიძე.

პოლიტიკური პატიმრების სიმრავლე და მათ შორის პოლიტიკური ლიდერების უმრავლესობის საპყრობილეში გამომწყვდევა ემსახურება “ქართული ოცნების” ერთ-ერთ მთავარ მიზანს - ჩვენი ქვეყნის მოქალაქეებმა ხელი ჩაიქნიონ, დაკარგონ დადებითი ცვლილებების იმედი და შეწყვიტონ წინააღმდეგობა, რის შედეგადაც “ქართული ოცნება” დაუბრკოლებლად მოიპოვებს სრულ ერთპარტიულ კონტროლს ყველა ინსტიტუციაზე, მმართველობით ორგანოსა და საზოგადოებრივი ცხოვრების ყველა სფეროზეც კი. 

ამიტომ, აბსოლუტურად სწორი და დროული იყო, რომ ახალგაზრდების დატუსაღებას კოალიცია “ლელო-ძლიერმა საქართველომ” უპასუხა მტკიცე რწმენით და გაბედული ნაბიჯით მუნიციპალურ არჩევნებთან დაკავშირებით. 

ჩვენ მზად ვართ, შევიდეთ უთანასწორო ბრძოლაში მათი უფლებების დასაცავად.

“ქართული ოცნების” ერთ-ერთ მთავარ მიზანს ასევე წარმოადგენს პროდასავლურ ეროვნულ პოლიტიკურ ძალებს შორის განხეთქილების ხელშეწყობა, დაპირისპირების პროვოცირება და სწორედ ამ მზაკვრულ მიზანს ემსახურება ის ბოლო განცხადება, რომელიც მათ გაავრცელეს მიხეილ ყაველაშვილის სახელით.

ცხადია, რომ “ქართული ოცნების” ნებისმიერ ამგვარ მცდელობას ჩვენ უნდა ვუპასუხოთ ძალისხმევის გაერთიანებით და ერთობით და იქ, სადაც, ამას ვერ ვაღწევთ ერთმანეთის პოზიციების პატივისცემით!თავისუფლება ყველა პოლიტიკურ პატიმარს!ბადრი ჯაფარიძესაკანი 21406/07/25შეგახსენებთ, რომ "ძლიერი საქართველო" თვითმმართველობის არჩევნებში მონაწილეობის მიღებას გეგმავს. ამის შესახებ მათ რამდენიმე დღის წინ საგანგებო ბრიფინგზე განაცხადეს. კოალიციაში განმარტეს, რომ "ოცნების" წინააღმდეგ ბრძოლა ყველა ველზეა საჭირო.