"პუტინი ცდილობს ომს ოფიციალური გამარჯვებული არ ჰყავდეს... ტირანი და ისიც "ხუ@ლო", ვერ შეძლებს გატეხოს უკრაინელი ხალხი..." - ბაჩუკი ქარდავა

რაც ხდება რუსეთის აეროპორტებსა და საზღვრებზე, პუტინის სასოწარკვეთილი ნაბიჯის მხოლოდ დასაწყისია... პრობლემები წინაა და ის რუსეთში ე.წ. Груз 200-ის რაოდენობას კრიტიკულად გაზრდის - ასე აფასებს რუსეთ-უკრაინის ომში პუტინის ნაბიჯებს საქართველოს პარლამენტის წევრი, ედპ-ის ლიდერი ბაჩუკი ქარდავა.

მისივე თქმით, რუსეთის პრეზიდენტის ამოცანაა, ამ ომს ოფიციალური გამარჯვებული არ ჰყავდეს. ბაჩუკი ქარდავა რუსეთის მხრიდან გარდაუვალ კაპიტულაციას პროგნოზირებს,

"პუტინს მოუწევს გემზე ასვლა. გემზე კი, ისტორიული პრაქტიკა ამბობს, რომ დამარცხებულებს კაპიტულაციის შელამაზებულ დოკუმენტზე აწერიებენ ხელს" - ამბობს დეპუტატი.

"შეიძლება ითქვას, თავისი მოქმედებით ვლადიმერ პუტინი ასხივებს, რომ ის მიხვდა - ომს აგებს. კრემლმა მშვენივრად იცოდა, რომ მობილიზაცია პრობლემებს გააჩენდა, ამიტომაც იკავებდა თავს. არც ნაწილობრივი მობილიზაციაა თავის თავში დარწმუნებულის გადაწყვეტილება. კარგად ჩანს რუსეთის აეროპორტებსა და საზღვრებზე, რამდენად შედეგის მომტანი იქნება პუტინის სასოწარკვეთილი ნაბიჯი და ეს, მხოლოდ დასაწყისია... ეჭვი მაქვს, ძირითადად ლოთებსა და გამოუცდელ ადამიანებს გაიმეტებს გასაწირად.

ცხადზე ცხადია, ამ სამსხვერპლოებს უკვე კარგად გაწვრთნილი უკრაინული, მოტივირებული არმიის წინააღმდეგ მოუწევთ ბრძოლა. ეს კი, რუსეთში ე.წ. Груз 200-ის რაოდენობას კრიტიკულად გაზრდის.

არც ბირთვულ მუქარაზე დაბრუნება და გაბრაზებული ტონი და ლექცია ისტორიაზე, არ მეტყველებს პუტინის სასარგებლოდ. ის ვერა და ვერ ახერხებს ომის მოტივაციის გაჩენას რუსეთში. ერთადერთი რაც აშკარად ჩანს, პუტინს უკვე სიზმარშიც კი ვერ წარმოუდგენია უკრაინის დამორჩილება, მაგრამ ცდილობს - იქნებ და ტერიტორიების მოგლეჯვით შეინარჩუნოს სახე, ამას ბოლომდე შეეცდება, თუმცა ამ შემთხვევაშიც საკმაოდ რთული ამოცანის წინაშეა - პუტინი ცდილობს, ამ ომს გამარჯვებული არ ჰყავდეს!

რუსეთს, შესაძლოა, ჯერ კიდევ გააჩნია რესურსი და ამას არავინ აიგნორირებს, მაგრამ კრემლი რომ ვერ აფასებს რეალობას და მთავარსარდალი პუტინია ეს რუსეთის წინააღმდეგ მუშაობს. ყველაფერი მეტყველებს იმაზე, რომ კიდევ ცოტა და პუტინს მოუწევს გემზე ასვლა. გემზე კი, ისტორიული პრაქტიკა ამბობს, რომ დამარცხებულებს კაპიტულაციის შელამაზებულ დოკუმენტზე აწერიებენ ხელს. თუ პუტინს არა, ვიღაცა რუსს მაინც არ ასცდება ეს. და ბოლოს, საოცრად ზუსტად შეარქვა ტირანს სახელი უკრაინამ - არც "გროზნი", არ "სტალი", უბრალოდ "ხუილო" და არ მგონია, ტირანი და ისიც "ხუილო", შეძლებს გატეხოს უკრაინელი ხალხი და ამ ომში გაიმარჯვოს, ეს აშკარად ეტყობა "ხუილოს" ბოლო ნაბიჯებს!" - აცხადებს ოპოზიციონერი დეპუტატი, ეროვნულ-დემოკრატიული პარტიის ლიდერი.