"პუტინიზმი ცდილობს შენს სახლში დამკვიდრებას... ქართველებო, ეს არ დაგემართოთ. იზრუნეთ თავისუფლებაზე" - ბორის აკუნინის (გრიგოლ ჩხარტიშვილის) გამოხმაურება რუსულ კანონზე

“რამდენიმე ქართულმა ტელევიზიამ და მედიასაშუალებამ მომმართა „უცხოური აგენტების შესახებ“ კანონპროექტზე კომენტარის თხოვნით.

ქართულ პოლიტიკურ ცხოვრებაზე, როგორც წესი, არ ვლაპარაკობ. ჯერ ერთი, მე მაქვს კომპლექსი, რომ "ნამდვილი ქართველი არ ვარ" - ენა არც კი ვიცი. მეორეც, მეც რუსი მწერალი ვარ და "ჩვენი ძმების ნებისმიერი ჩარევა სხვა ადამიანების საქმეებში არსებულ ვითარებაში აღიქმება, როგორც „იმპერიალიზმის გამოვლინება“.

მაგრამ საქართველო ჩემთვის უცხო არ არის. დავიბადე საქართველოში, ვარ "შვილი" და "შალვოვიჩი", მყავს ბევრი ნათესავი და მეგობარი და შეშფოთებული ვარ იმის დანახვით, როგორ სრიალებს დემოკრატიული ქვეყანა იმავე ფერდობზე, საიდანაც რუსეთი უფსკრულში ჩავარდა.

ჩვენ უნდა გვეშინოდეს არა პოლიტიკური ოპოზიციის ან "კბილებალესილი" პრესის, არამედ პუტინიზმის. გეშინოდეთ არა მხოლოდ "გარე შემოჭრის", არამედ "შიგნიდან შემოჭრის". და ეს არის ზუსტად ის, რაც ახლა ხდება. პუტინიზმი ცდილობს შენს სახლში დამკვიდრებას - შენი საკუთარი ხელისუფლების ინიციატივით. თქვენ ვეღარ გამოასახლებთ ამ ინფილტრატორს მოგვიანებით. ის შეჭამს საქართველოს სიმსივნესავით. ვიცით, გავიარეთ ეს. ჯერ "უცხოური აგენტები", შემდეგ "მეხუთე კოლონა", შემდეგ "ტერორისტები და ექსტრემისტები" და შემდეგ საქართველოს არ ეყოლება მეგობრები პუტინის რუსეთის გარდა. კეთილი იყოს თქვენი მობრძანება ორთავიანი არწივის ფრთის ქვეშ.

ქართველებო, ეს არ დაგემართოთ. იზრუნეთ თავისუფლებაზე."

ასე ეხმაურება ბორის აკუნინი (გრიგოლ ჩხარტიშვილი) რუსულ კანონს.