პუტინს სურდა განახლებული რუსული იმპერიის შექმნა, რომელშიც უკრაინა, ყაზახეთი, ბელორუსი, სომხეთი და საქართველო შევიდოდა - ФСБ-ს გადამდგარი პოლკოვნიკი

პუტინს სურდა განახლებული რუსული იმპერიის შექმნა, რომელშიც უკრაინა, ყაზახეთი, ბელორუსი, სომხეთი და საქართველო შევიდოდა, - აცხადებს რადიო "მაესტროს" გადაცემა "ინტერვიუში", ჟურნალისტ ლევან ჭითანავასთან საუბრისას ФСБ-ს გადამდგარი პოლკოვნიკი გენადი გუდკოვი.

"პუტინმა გადაწყვიტა 2014 წლისთვის  უკრაინა დაესაჯა, როდესაც მან გადაწყვიტა დამოუკიდებელი, სუვერენული ქვეყნის, რუსეთის გარეშე ჩამოყალიბება გაეძლიერებინა და უკრაინამ ევროპისკენ სვლა დაიწყო,  ამის გამო პუტინმა  შური იძია უკრაინაზე. უკრაინის ევროპისკენ სვლამ პუტინი ძალიან შეაშინა, მას ოდესღაც სურდა განახლებული რუსული იმპერიის შექმნა, რომელშიც შევიდოდა უკრაინა, ყაზახეთი, ბელარუსი და მათთან დაახლოებული სომხეთი საქართველოსთან ერთად.

2014 წლის მოვლენებმა პუტინის ამ გეგმაზე დიდი ჯვარი დასვა, ვინაიდან პუტინს კარგად ესმოდა, რომ უკრაინის გარეშე ახალი რუსული იმპერიის არსებობა უბრალოდ შეუძლებელი იქნებოდა.  უკრაინაში დემოკრატიული ძალების გამარჯვება პუტინისთვის საფრთხეს წარმოადგენდა, რადგან რუსეთის საზღვრებთან დემოკრატიული ღირებულებების და პრინციპების შექმნა, რაც ადამიანებისთვის უკეთესი ცხოვრების საწინდარი იქნებოდა,  პუტინის რეჟიმისთვის მძიმე დარტყმა იქნებოდა. 2014 წელს პუტინის მიერ დაგეგმილმა ომმა ვერ გაამართლა, მაშინ მან ვერ გაბედა ფართომასშტაბიანი შეჭრა უკრაინაში, თუმცა მსგავსი გეგმები კრემლში იყო. მაგრამ, დასავლეთის სანქციებმა მაშინ გარკვეულწილად პუტინი შეაჩერეს.

გარკვეული წლების განმავლობაში პუტინი უკრაინაში ომისთვის ემზადებოდა, შესაბამის დროს ელოდებოდა, როდესაც პუტინი მიხვდა საბოლოოდ, რომ უკრაინა ევროპისკენ გზას აგრძელებდა და ამ გზას არ გადაუხვევდა, სწორედ  მაშინ მიიღო  უკრაინაში შეჭრის გადაწყვეტილება," - ამბობს გუდკოვი.

გენადი გუდკოვი არის რუსი მეწარმე, პოლიტიკოსი, რუსეთის ФСБ-ს გადამდგარი პოლკოვნიკი. იყო რუსეთის დუმის მესამე, მეოთხე, მეხუთე და მეექვსე მოწვევის დეპუტატი. 2019 წელს გაიქცა რუსეთიდან, დაპატიმრების საფრთხის გამო და ცხოვრობს ბულგარეთში, ვარნაში, საკუთარ ვილაში.

.