რა მიზანი აქვს რუსულ კანონს - სალომე ზურაბიშვილის ინტერვიუ CNN-თან

"ეს არის დუბლიკატი, ასლი იმ კანონისა, რომელიც პუტინმა 2012 წელს მიიღო და კანონი იმისთვის იქნა გამოყენებული, რომ სამოქალაქო საზოგადოების სრული რეპრესირება მომხდარიყო," - ამის შესახებ საქართველოს პრეზიდენტმა სალომე ზურაბიშვილმა CNN-თან საუბარში განაცხადა.

უპირველეს ყოვლისა, ეს არის დუბლიკატი, ასლი იმ კანონისა, რომელიც პუტინმა 2012 წელს მიიღო და კანონი იმისთვის იქნა გამოყენებული, რომ სამოქალაქო საზოგადოების სრული რეპრესირება მომხდარიყო, რის შედეგადაც დღეს ვხედავთ თუ რა ხდება რუსეთში. ეს აქვს მთავარ მიზნად [აღნიშნულ კანონს]. და, რაც უფრო საგანგაშოა ისეთ ქვეყანაში, როგორიც საქართველოა, რომელმაც არასდროს არ იცოდა ეს, არის ის, რომ ამ კანონისა და ამ რიტორიკის მეშვეობით ოფიციალური პირები ჩვენს წლების მანძილზე პარტნიორებს „უცხოურ ძალებს“ ეძახიან, რომლებსაც ქვეყნის დანგრევა სურთ. ისინი მათ, ჩვენს პარტნიორებს, „აგენტებს“ ეძახიან, რომლებსაც „აქ ახალი ომის პროვოცირება სურთ, როგორც უკრაინაში“ - ამას ამბობენ. და მოსახლეობამ აქ ძალიან კარგად იცის ეს ძველი რუსული და საბჭოური პროპაგანდისტული სვლები. ასე რომ, ის არ მუშაობს. ისინი ხედავენ თუ რა ხდება და ამას გააჩერებენ - აშკარად არა პარლამენტში, ვინაიდან ამ უმრავლესობის გადალახვის არანაირი გზა არ არსებობს. გუშინ, კომიტეტის მესამე მოსმენაზე კანონპროექტი ერთ წუთსა და შვიდ წამში იქნა დამტკიცებული - ეს არის იმის ჩვენების გზა, თუ რამდენად მონოლითური და რამდენად ერთიანი ეს ერთპარტიული მმართველობა. მაგრამ გვაქვს არჩევნები, გვაქვს ცოცხალი სამოქალაქო საზოგადოება, გვყავს არასამთავრობო ორგანიზაციები, რომლებიც ჯერ არ არიან დახურულები ან რეპრესირებულები, გვყავს პარტნიორები, რომლებიც ძალიან ჩანან და ვხედავთ, რომ დღეს ბატონი ო’ბრაიენია თბილისში… რამდენიმე ევროპული ქვეყნის საგარეო საქმეთა კომიტეტების თავმჯდომარეები არიან, ხვალ დილით ბალტიის 4 ქვეყნისა და ისლანდიის საგარეო საქმეთა მინისტრები იქნებიან, და ა.შ. ასე რომ, მარტონი არ ვართ, მხარს გვიჭერენ და ბოლომდე მივალთ”, - განაცხადა ზურაბიშვილმა.