„რუსეთის ნავთობის გარეშე ბინძური, გაუნათლებელი, გალოთებული და გარყვნილი სოფელია” – გიორგი თავდგირიძე

საზოგადოებრივი მოძრაობა „ფარის“ თანადამფუძნებელი, პოლკოვნიკი გიორგი თავდგირიძე:დავუშვათ, რომ აშშ-ის მთელი პოლიტიკა ნავთობის ირგვლივ ტრიალებს ( ნუ, ძალიან სუსტი დაშვებაა, ეგეთი სწორხაზოვანი და პრიმიტიული სტრატეგიები და ტაქტიკური ნაბიჯები ამერიკას არახასიათებს, მაგრამ მსჯელობის სიმარტივისთვის დავუშვათ ). რუსეთის შემთხვევაში კი ასეთი დაშვება ზუსტი იქნება, რუსეთი ნავთობისა და ბრეჟნევის დაგროვილი არსენალის გარეშე დიდი სოფელია ( ბინძური, გაუნათლებელი, გალოთებული და გარყვნილი ). გლობალური ომის საჭიროებისა და კანონზომიერების გათვალისწინებით, აშშ-ი უპირატესობის მისაღებად ატარებს წარმატებულ სამხედრო ოპერაციას ვენესუელაში ( 30 წუთიანს), ანადგურებს რუსეთის მოკავშირის ბირთვულ პროგრამას, აკავებს რუსული ჩრდილოვანი ფლოტის გემებს, თამაშობს მილიარდიანი მოსახლეობის მქონე ქვეყნების ეკონომიკით, დაკავებულია დამყაყებული საერთაშორისო ურთიერთობების დაქოქვით, იმისაც კი არ ერიდება, ყველაზე ძლიერი სამხედრო ბლოკის კონფიგურაცია გადააწყოს დაწყებული ომის პირობებში.რუსეთი შეშფოთებულია, აღშფოთებულია, პროპაგანდა დორბლის ყრით იოხებს გულს, პუტინს ალიასკაში გაშლილი წითელი ხალიჩის ეიფორია ჯერაც არ გასვლია, ინდოეთს ნავთობის ყიდვას ეხვეწება, ჩინეთს ფეხქვეშ ეგება, სარდლად გერასიმოვი ყავს და მეგობრად არარსებული ერის, შეკოწიწებული სახელმწიფოს, სასაცილოდ ბრაზიანი ლიდერი (ოკუპირებულ აფხაზეთში ). მეგობარი რეჟიმის ლიდერები პანტაპუნტით კარგავენ ტახტებს და რუსეთში ბომჟად ემიგრირებენ.მოკლედ ისეთ დათვად იქცა პუტინის რუსეთი, რომც გერეოდეს, აი ძალიან ქოცი უნდა იყო, ბაბაიას დაძახება არ იუკადრისო.და ჩვენ ამ ორ სახელმწიფოს შორის რუსეთთან მეგობრობა ვირჩიეთ. აშშ-თან სტრატეგიულ და ღრმა სამხედრო თანამშრომლობაზე უარი ვთქვით და რუსეთს გავუწოდეთ მეგობრობის ხელი ( ნუ, ჯერ რამდენიც ხელი გავუწოდეთ იმდენი დაგვაფურთხა ხელზე, რუსულ იდენტობის ნაწილია ეგეც).რუსეთის დაკნინების და დამცრობის შეუქცევადი პროცესი გრძელდება, შესაბამისად სულ უფრო თამამად და ხისტად უნდა დავუპირისპირდეთ ივანიშვილის დიქტატურას. რაც შეიძლება სწრაფად უნდა დავაღწიოთ თავი რუსულ ჭაობს.