რუსული Yandex-ით მიყენებული ეკონომიკური ზარალი - როგორ ატყუებს კომპანია ქართველ მძღოლებს?

„იანდექს ტაქსი“ მძღოლების შრომის უფლებებს არღვევს.

რუსული Yandex-ის რომლის ქართულ ბაზარზე მონოპოლისტობა ერთის მხრივ სახელმწიფოებრივ უსაფრთხოებაზე გადის, ამასთან ერთად, არაკეთილსინდისიერ დამოკიდებულებას იჩენს იანდექს ტაქსის აპლიკაციით მოსარგებლე მოქალაქეების მიმართ. კერძოდ, საუბარია მძღოლებზე, რომელთა დიდი ნაწილი უკმაყოფილებას უკვე ღიად გამოხატავს. ნიუპოსტის ინფორმაციით, რეიტინგი რომელიც მძღოლებს მგზავრების შეფასების შედეგად უგროვდებათ, მათთვის გაუგებარი მიზეზით კომპანიის მიერ აკლდებათ, ხშირ შემთხვევაში იანდექსის ანგარიშზე მათთვის განკუთვნილი თანხაც ქრება. როგორც იქ დასაქმებული ადამიანები ამბობენ, მაღალანაზღაურებადი შეკვეთების, მათ შორის ქალაქგარეთ გამოძახებები, ხშირად ებლოკებათ, მიუხედავად 100%-იანი რეიტინგისა. მძღოლები, რომლებიც საკუთარი ავტომობილებით მუშაობენ და რომლის შეკეთების ხარჯებსაც თავად ფარავენ საჭიროების შემთხვევაში, ამბობენ, რომ იანდექსი კარგი შეკვეთების დროს მათ ბლოკავს და თავისივე ავტომობილებს აძლევს შეკვეთით სარგებლობის საშუალებას.

„ამხელა  ფასიანი მანქანა სამ და ხუთ ლარად მამუშავებინეთ, მანქანა მოვსპე და იმის მაგივრად მადლობა უთხრათ ხალხს, ატყუებთ... იგონებთ რეიტინგებს და ბლოკავთ... იცით, რომ უჭირთ ქართველებს და ახვეწნინებთ... რა ქნას ხალხმა, თორემ საერთოდ არ უნდა იმუშაოს თქვენთან ადამიანმა“ - წერს ერთ-ერთი მძღოლი (დავით მამაგეიშვილი) სოციალურ ქსელში და იქვე კოლეგებს აფრთხილებს: „არ მოგატყუონ ხალხნო, გამოუშვებენ და ცოტა ხანში დაგბლოკავენ...“

„ნიუპოსტი“, რომელიც ბოლო პერიოდში აქტიურად მუშაობს იანდექსის საქართველოში გაფართოების თემით,  რომლის კავშირებიც ოკუპანტი სახელმწიფოს სპეცსამსახურებთან  მნიშვნელოვან რისკებს შეიცავს, ამჯერად დაინტერესდა ეკონომიკური ზარალით, რომელიც შეიძლება მიადგეთ საკუთარი ავტომობილებით მომუშავე მძღოლებს. ჩვენი ჟურნალისტი დაუკავშირდა ერთ-ერთ მათგან, რომელმაც „ნიუპოსტთან“ ღიად ისაუბრა.  მინდია გოგოლაძე გვიყვება, რომ იანდექსში 10 მანქანა ამუშავა და ყოველთვის იგივე პრობლემას აწყდებოდა, მიუხედავად რეიტინგისა, რის გამოც ათივე ჩამოაშორა კომპანიას.

„ვმუშაობდი და არაერთხელ გამოვცადე საკუთარ თავზე... მინიმუმ ათი ადამიანი ვიცი, ვინც ამ დღეში აღმოჩნდა... მე რომ მაგას მივხვდი ჩემი მანქანებიც ჩამოვაშორე კომპანიას, რაოდენობა შეადგენდა ათს და ყველას ასე ემართებოდა, არ ჰქონდა მნიშვნელობა რეიტინგს“ - გვეუბნება მინდია გოგოლაძე.

ანალოგიურ პრობლემაზე წერს სოციალურ ქსელში კიდევ ერთი მძღოლი: „მეც მაგიტომ დავანებე, როგორც კი ქალაქგარეთ მოვიდოდა შეკვეთა ნორმალური ტარიფით, ეგრევე მითიშავდნენ“

ნიუპოსტი შეეცადა „იანდექს ტაქსის“ წარმომადგენლობასთან დაკავშირებას, თუმცა უშედეგოდ.  მათ მიმართ საზოგადოებაში დაგროვილი შეკითხვების პასუხის მისაღებად, რამდენად არის დაცული მომხმარებელთა ბაზები? თანამშრომლობს თუ არა კომპანია რუსულ ჰედ. ოფისთან და შესაბამისად რუსულ სპეცსამსახურებთან? გავრცელებული ინფორმაციით იანდექსისთ სწორედ რუსეთის მოქალაქეები სარგებლობენ ხოლო დასაქმებული ქართველი მოქალაქეები ხშირად არიან კომპანიის მიხრიდან დაზარალებულნი.