საბანკო გადარიცხვის სისტემაში "ხარებას" ანგარიში აღარ იძებნება

მოხვდა თუ არა ზვიად ხარაზიშვილის ანგარიშები საერთაშორისო სანქციებსი ქვეშ? - შინაგან საქმეთა სამინისტროს განსაკუთრებულ დავალებათა დეპარტამენტის ხელმძღვანელს დეკლარაციაში მითითებულია, რომ ანგარიშები აქვს თბს-ბანკში, ხელფასი ერიცხება ასევე აღნიშნულ ბანკში და აქვს ანგარიშები დოლარსა და სხვადასხვა ვალუტაში.

"პირველები" შეეცადა გაერკვია, კიდევ არის თუ არა მოქმედი აღნიშნული ანგარიშები, თუმცა საბანკო გადარიცხვის სისტემაში ზვიად ხარაზიშვილის საბანკო ანგარიში აღარ იძებნება.

ამის შემდეგ "პირველებმა" თბს ბანკში შეეცადა გადამოწმებას, არის თუ არა ეს ანგარიშები ისევ მოქმედი, თუ საერთაშორისო სანქციების შემდეგ, თავად "ხარებამ" ან ბანკმა დახურა? თუმცა თბს ბანკში "პირველებს" უთხრეს, რომ კლიენტის კონფიდენციალურობიდან გამომდინარე, ინფორმაციას ვერ გასცემენ.

რაც შეეხება ოთარ ფარცხალაძის მაგალითს, როდესაც მას შტატებმა სანქციები დაუწესა, ეროვნული ბანკიც ამგვარად მოქმედებდა, თუმცა საბანკო სექტორი მაშინ თურნავას მიერ გამოცემულ საგამონაკლისო განკარგულებას არ დაემორჩილა და ფარცხალაძის წინააღმდეგ საერთაშორისო სანქციები აამოქმედეს.

ცნობისთვის, საქართველოს ეროვნული ბანკი აშშ-ის სახელმწიფო დეპარტამენტის მიერ შსს-ს ორი მაღალჩინოსნისა და პრორუსული პარტია "ალტ ინფოს" ლიდერების სანქცირებაზე პირველი განცხადება გავრცელა. თურნავას უწყებაში აცხადებენ, რომ საქართველოს მოქალაქეებზე საერთაშორისო ფინანსური სანქციების მოთხოვნები ვრცელდება მხოლოდ იმ შემთხვევაში, თუკი დაწესებული სანქციების საფუძველთან დაკავშირებით გამოტანილია ქართული სასამართლოს გადაწყვეტილება.