"საპროცესო შეთანხმებაზე საუბარი არ მიმდინარეობს, რადგან გიორგი ლილუაშვილი თავს დამნაშავედ არ მიიჩნევს“ - ადვოკატი

"საპროცესო შეთანხმებაზე საუბარი არ მიმდინარეობს, რადგან ჩემი დაცვის ქვეშ მყოფი თავს დამნაშავედ არ მიიჩნევს. წარმოდგენილი მტკიცებულებები თავისი შინაარსით, პირდაპირი მტკიცებულებები არ არის, შესაბამისად, მათზე დაყრდნობით, ვფიქრობთ, რომ საქმეზე გამამართლებელი განაჩენი უნდა დადგეს[IPN]" | ამბობს გრიგოლ ლილუაშვილის ადვოკატი, რობერტ გრიგალაშვილი

გრიგოლ ლილუაშვილი 23 დეკემბერს დააკავეს. პროკურატურა მას ინვესტორებისგან განსაკუთრებით დიდი ოდენობით ქრთამის აღებასა და ქოლ-ცენტრების მფარველობას ედავება. ლილუაშვილს 11-დან 15 წლამდე პატიმრობა ემუქრება. სუს-ის ყოფილი უფროსი წარდგენილ ბრალს არ აღიარებს.

 24 ოქტომბერს ირაკლი ღარიბაშვილს განსაკუთრებით დიდი ოდენობით შემოსავლების ლეგალიზაციის საქმეზე, აღკვეთის ღონისძიების სახით 1 მილიონი ლარის ოდენობით გირაო შეეფარდა. გირაოს გარდა, საბოლოო გადაწყვეტილებამდე, ღარიბაშვილს პასპორტი ჩამოართვეს და ქვეყნიდან გასვლის აკრძალვა დაუწესეს. პროკურატურის განცხადებით, თანამდებობაზე ყოფნის პერიოდში, ღარიბაშვილი "ფარულად და შენიღბულად, აქტიურად ახორციელებდა სხვადასხვა ტიპის ბიზნესსაქმიანობას და იღებდა განსაკუთრებით დიდი ოდენობით, არალეგალური წარმომავლობის შემოსავლებს" და ქონებრივი მდგომარეობის შესახებ წარდგენილ დეკლარაციებში უთითებდა ყალბ მონაცემებს, რომ თითქოს ოჯახის წევრისგან ყოველწლიურად საჩუქრად იღებდა დიდი ოდენობით თანხებს.