„საქართველოს არ ეზეიმება, ახალი წელი „წინააღმდეგობის მოძრაობის“ პაუზა, ვერ იქნება“ - ბაჩუკი ქარდავა 4 გადაუდებელ ნაბიჯს ასახელებს

რა გეგმები აქვს ოპოზიციას და რას ელოდება საზოგადოება პოლიტიკოსებისგან. ედპ-ის ლიდერი, პარლამენტის წევრი ბაჩუკი ქარდავა სამოქმედო გეგმის 4 გადაუდებელ ნაბიჯს ასახელებს, და მიაჩნია, რომ საახალწლო დღესასწაულები ვერ გახდება ხელის შემშლელი მიზეზი ოპოზიციის შემდგომი მოქმედებისთვის. ქარდავა ამბობს, რომ საზოგადოებრივი და პოლიტიკური ჯგუფების კონსოლიდაციას ფორმა უნდა მიეცეს და შეიქმნას „საერთო-სახალხო წინააღმდეგობის მოძრაობა“

„იმ ფონზე., როდესაც ქვეყანას მართვს ყოვლისმკადრებელი რეჟიმი;

მაშინ, როცა მოსახლეობის დიდი უმარავლესობა შიმშილობს და ქართული სახელმწიფოს მომავალი ბუნდოვანია,

საახალწლო დღესასწაულებიც კი, წინააღმდეგობის მოძრაობის პაუზა ვერ იქნება;

დღეს საქართველოს არ ეზეიმება;

მიმაჩნია, რომ უახლოეს პერიოდში, პოლიტიკურმა ოპოზიციამ, სამოქალაქო სექტორმა და მთლიანად საზოგადოებამ, მაქსიმალუჯრი ძალისხმევა უნდა გამოიჩინოს ჯანსაღი და აქტიური ჯგუფების კონსოლიდაციისთვის.

 

1. ძალების თავმოყრას უნდა მიეცეს ფორმა და შეიქმნას "საერთო-სახალხო წინააღმდეგობის მოძრაობა"

2. დღეს საქართველოს კანონმორჩილი მოქალაქეები ვალდებულნი ვართ, სრული დაუმორჩილებლობა გამოვუცხადოთ ლეგიტიმაციისგან დაცლილ  ანტისახელმწიფოებრივ რეჟიმს, ცხადია მშვიდობიანი ფორმებით. და ეს სრულიად გამართლებულია, იმ ვითარებაში, როცა ქვეყანა იმართება არაფორმალური, მმართველის მიერ; არჩევნები გაუქმებულია, ხოლო ხელისუფლება გასულია კონსტიტუციური ჩარჩოებიდან;

3. საერთო-სახალხო წინააღმდეგობის მოძრაობის გადაუდებელი ამოცანაა: ივანიშვილის პირადი პატიმარი, ქვეყნის მესამე პრეზიდენტი დახსნილი იქნეს პოლიტიკური ტყვეობიდან და არა გისოსებს მიღმა, არამედ გისოსებს გარეთ, თავისუფლებაში აქტიურად ჩაერთოს ანტიდემოკრატიული და ანტისახელმწინფობრივი ხელისუფლების წინააღმდეგ ბრძოლაში;

4. საერთო-სახალხო წინააღმდეგობის მოძრაობის ერთადერთი გზავნილი,როგორც ქვეყნის შიგნით, ასევე მის ფარგლებს გარეთ, უნდა იყოსვადამდელი, სრულად პროპორციული არჩევნები; ხელისუფლების იძულება ვადამდელ არცევნებზე კი, ამ ვითარებაში ნიშნავს, რომ ივანიშვილი ფაქტობრივად განდევნილია ქართული პოლიტიკური სივრციდან და ლოგიკურია, რომ ოლიგარქის ფულს ვერ ექნება გავლენა ამ არჩევნებზე;

და ბოლოს, რა თქმა უნდა, არ გვაქვს ილუზია, რომ უკომპრომისო ბრძოლა რეჟიმთან იქნება მარტივი, თუმცა ცალსახაა, რომ რეჟიმი მორყეულია და მის წინააღმდეგ მრავალმხრივი, სხვადასხვა ლოკაციებზე ორგანიზებული მცირე თუ მასშტაბური რყევები, აუცილებლად დასვამს საბოლოო წერტილს და ეს იქნება საქართველოს მოქალაქის გარდაუვალი გამარჯვება ჩრდილოეთისგან მართულ, თავისუფლების მოძულე რეჟიმთან“ - აცხადებს ეროვნულ-დემოკრატიული პარტიის თავმჯდომარე.